😈 Guardian Ghost 😈 P-5 ༆ കർണൻ(rahul)༆ 421

ഡാ നീ എവിടാ? ഹാ നീ ഇപ്പോ ഇവിടെ വരണം. വന്നിട്ട് പറയാം.

എന്നെ മറുത്ത് ഒന്നും പറയാൻ അനുവധിക്കതെ അമ്മച്ചി അത്രയും പറഞ്ഞ് ഫോൺ വച്ചു. ഞാൻ ശനിയാഴ്ച ഉച്ചയ്ക്ക് ശേഷം പാലക്കാട് കൂപ്പിലെ തടിയുടെ കാര്യവുമായി ബന്ധപ്പെട്ട് പോയിട്ട് നാട്ടിലേക്ക് പുറപ്പെട്ടത് ആയിരുന്നു കോട്ടയം ടൌൺ കഴിഞ്ഞപ്പോഴാണ് അമ്മച്ചിടെ ഫോൺ വന്നത്. പിന്നെ ഒന്നും നോക്കിയില്ല വണ്ടി പറപ്പിച്ച് വീട്ടിൽ എത്തി.

അകത്തേയ്ക്ക് കയറുമ്പോൾ തന്നെ വീട്ടിൽ എല്ലാവരും ഉണ്ട്. കൂടെ ചേച്ചിയമ്മയുടെ അപ്പച്ചനും അമ്മച്ചിയും അനിയത്തിയും ഉണ്ട്.

എന്താ അമ്മച്ചി ഇത്രേം അത്യാവശ്യപ്പെട്ട് വിളിച്ചത്? അത് ചോദിച്ചു കഴിഞ്ഞതും കാറ്റ് പോലെ വന്ന അപ്പച്ചന്റെ കൈ എന്റെ കരണം നോക്കി ഒന്ന് പൊട്ടിച്ചതും ഒരുമിച്ചായിരുന്നു. ഒരു നിമിഷം അവിടെ എന്താ നടക്കുന്നത് എന്ന് പോലും എനിക്ക് മനസ്സിലായില്ല.

തന്തയില്ലാഴിക കാണിച്ച് വച്ചേച്ച് നീ കിടന്ന് നാടകം കളിക്കുന്നോ? അപ്പച്ചൻ അലറുന്നത് പോലെ ചോദിച്ചു.

ഞാൻ എന്ത് ചെയ്തെന്ന അപ്പച്ചൻ ഈ പറയുന്നെ. ഞാൻ കവിളത്ത് കൈവച്ച് ചോദിച്ചു.

ഇങ്ങനെ ഒരു തലതെറിച്ചതിനെ ആണല്ലോ കർത്താവേ ഞാൻ പെറ്റത്.

ഇതിലുംഭേതം ജനിക്കും മുൻപ് തന്നെ ഇവൻ എന്റെ വയറ്റിൽ കിടന്ന് മരിക്കുന്നതായിരുന്നു. അമ്മച്ചി സെറ്റിയിൽ ഇരുന്ന് പതം പറഞ്ഞു.

അതിനും മാത്രം ഇപ്പോ എന്താ ഇവിടെ ഉണ്ടായത്? ആരെങ്കിലും ഒന്ന് പറയുന്നുണ്ടോ? ചേച്ചിയമ്മേ….

നീ ഇനി എന്നെ അങ്ങനെ വിളിക്കരുത്. ഭർത്താവിന്റെ സഹോദരനെ പോലെ ആണോടാ നാറി നിന്നെ ഞാൻ കണ്ടത് ?

സ്വന്തം കൂടെപിറപ്പ് മകൻ അങ്ങനൊക്കെ അല്ലേടാ കണ്ടിട്ടുള്ളു. എന്നിട്ട് ആ നീയാ ഇപ്പോ ഈ പിറപ്പ് കേട് കാണിച്ചത്. എന്നെ പറഞ്ഞു മുഴുവിപ്പിക്കാതെ ചേച്ചിയമ്മ ഇടയ്ക്ക് കയറി പറഞ്ഞു.

ഹോ എന്നിട്ടും അവൻ നിന്ന് പുണ്യാളൻ കളിക്കുവാ തന്തയ്ക്ക് പിറക്കാത്തവൻ. വർഗീസ് പറഞ്ഞു.

ദേ കാർന്നോരെ ചേച്ചിയമ്മേടെ അപ്പച്ചൻ ആയത് കൊണ്ട എന്റെ തന്തയ്ക്ക് പറഞ്ഞിട്ടും നിങ്ങളെ ഭിത്തിയിൽ കയറ്റാതെ നിർത്തിയേക്കുന്നെ. എന്ന് കരുതി കൂടുതൽ കൊണയ്ക്കാൻ നിക്കല്ലേ.

ചെയ്യേണ്ടതെല്ലാം ചെയ്തിട്ട് കാര്യം പറയുന്നവരുടെ മെക്കിട്ട് കയറുന്നോടാ നായെ. ഞാൻ പറഞ്ഞു തീരും മുൻപ് തന്നെ അമ്മച്ചീടെ കൈ എന്റെ കവിളിൽ പതിഞ്ഞു.

ഞാൻ കാര്യം എന്താണെന്ന് പോലും അറിയാതെ അമ്മച്ചിയെ പകച്ചു നോക്കി. അമ്മച്ചി ഇതുവരെ എന്നെ ഒരു ഈർക്കിലിനു പോലും അടിച്ചിട്ടില്ല.