അപരാജിതൻ 49 4651

 

അപരാജിതൻ 49

മുൻഭാഗത്തിന് തുടർച്ച:

ഏറ്റവും അപകടമായ വിധത്തിൽ ജീപ്പോടിച്ചുകൊണ്ടിരുന്ന ആദിയുടെ ഭാവം സുമേശനെ ഒത്തിരി ഭയപ്പെടുത്തിയിരുന്നു.

“അപ്പുവണ്ണാ,,എന്താ കാര്യമെന്നു പറഞ്ഞില്ലല്ലോ ,,സീരിയസ് ആണോ? ”

സുമേശൻ വണ്ടിയിൽ മുറുകെപിടിച്ചിരുന്നു ചോദിച്ചു

ആദി സുമേശന്റെ മുഖത്തേക്കൊന്നു നോക്കി

ഒടുക്കം കെട്ട ചിരി ചിരിച്ചു.

 

“സുമേശാ,,,”ഈ ശങ്കരൻ, സ്നേഹിക്കുന്ന കുറച്ചാളുകളുണ്ട്.

ആ ആളുകളെന്നു പറഞ്ഞാൽ,ആളും അർത്ഥവുമില്ലാതിരുന്ന കാലത്ത് ഞാനും ഈ മണ്ണിൽ ജീവിക്കുന്ന സഹജീവിയാണെന്ന പരിഗണനയും ഒരു മനുഷ്യനെന്ന മൂല്യവും തന്നവരാണ്, അവരെ ഞാനെന്റെ ഹൃദയത്തിലാണ് സൂക്ഷിച്ചിട്ടുള്ളത്,ഞാൻ ഒരുപാട് മൂല്യം കൊടുത്തു സ്നേഹിക്കുന്നവരാണ് അവർ,,,അതിലേതെങ്കിലും ഒരാളെ, ആരെങ്കിലും ഒന്ന് നോവിക്കാൻ തുനിഞ്ഞാൽ”

അവനൊന്നു ചിരിച്ചു.“ഈ ശങ്കരന്റെ കോപം അവനൊക്കെയറിയും”

 

അർത്ഥം വെച്ച് സംസാരിക്കുന്നത് കേട്ട് മനസ്സിലാകാതെ സുമേശൻ ആദിയുടെ ഉഗ്രകോപം പൂണ്ട മുഖത്തേക്ക് ശ്രദ്ധിച്ചു.

“നന്നാക്കാനാണോ അണ്ണാ” തെല്ലു ഭയത്തോടെ സുമേശൻ ചോദിച്ചു.

ആദി ആക്സിലേറ്റർ ചവിട്ടി ജീപ്പ് മുന്നോട്ടേക്കെടുത്തു.

“തീർത്തുകളയാൻ ,,ഇനിയവൻ ,,ആ മാവീരൻ ആ പുലയാടിമോനിനി ജീവനോടെ വേണ്ടാ ,,,ഇന്നേക്ക് ഇന്ന്,,, നേരത്തോട് നേരം,, അവന്റെ ചാവ് എന്റെ കൈയാലെയെടുക്കണം,,അതും ഏറ്റവും മൃഗീയമായ മരണം ,,ആ കരച്ചിൽ എനിക്ക് കേൾക്കണം,,അവ൯ പ്രാണൻ പോകുന്ന നേരം പിടഞ്ഞലറുമ്പോൾ,,ആ പ്രാണവേദനയോടെയുള്ള അലർച്ച എനിക്ക് കേൾക്കണം,,അതിലെനിക്ക് ലഹരി നേടണം ,, ശിവമെന്ന ആനന്ദലഹരി”

ആദി സകലതും മറന്നു ഡ്രൈവിങ്ങിൽ ശ്രദ്ധ നൽകി.

ടോപ്പ് ഗിയറിൽ അതിവേഗം ജീപ്പ് മുന്നോട്ടേക്ക് കൊണ്ടുപോയി .

ജീപ്പ് കമ്മോർവാഡയിലേക്കുള്ള കവല താണ്ടി കമ്മോർവാഡ ലക്ഷ്യമാക്കി അതിവേഗം പാഞ്ഞു.

ശങ്കരന്റെ രണ്ടാം തിരുവിളയാടലിന് സമാരംഭം കുറിക്കുവാൻ വേണ്ടി.

(തുടരുന്നു)