😈 Guardian Ghost 😈 P-5 ༆ കർണൻ(rahul)༆ 421

അനിയൻ ആണെന്നുള്ള ഒറ്റ കാരണം കൊണ്ടാ ഒരു പെണ്ണിന് വയറ്റിൽ ഉണ്ടാക്കി കൊടുത്തിട്ടും നിന്റെ മേത്ത് കൈവയ്ക്കാതെ കാര്യം സംസാരിച്ചോണ്ട് നിൽക്കുന്നത്. ജോണച്ചായൻ ഇടയ്ക്ക് കയറി പറഞ്ഞു.

ങേ വയറ്റിൽ ഉണ്ടാക്കിയെന്നോ? ഞാനോ? ആർക്ക്? ആരാ നിങ്ങളോട് ഈ നുണ ഒക്കെ പറഞ്ഞത്.

മിണ്ടിപോകരുത് തന്തയ്ക്ക് പിറക്കാത്തവനെ. ആണുങ്ങൾ ആയാൽ തെറ്റ് ചെയ്തിട്ടുണ്ടെങ്കിലും നെഞ്ചു വിരിച്ചു നിന്ന് പറയണം അല്ലാതെ ഇങ്ങനെ നാടകം കളിക്കുന്ന നീ എനിക്ക് തന്നെ ഉണ്ടായതാണോടാ. അപ്പച്ചൻ ഇടയ്ക്ക് കയറി പറഞ്ഞതും എന്റെ കവിളിൽ ഒന്ന് പൊട്ടിച്ചതും ഒരുമിച്ച് ആയിരുന്നു.

ഞാൻ ആർക്ക് വയറ്റിൽ ഉണ്ടാക്കിയെന്നാ നിങ്ങളൊക്കെ ഈ കിടന്ന് പറയുന്നെ? അപ്പോഴേക്കും കണ്ണ് നിറഞ്ഞെങ്കിലും ഞാൻ ചോദിച്ചു.

നീ ആരുടെ കൂടെ ഒക്കെ കിടന്നെന്ന് കണക്കെടുക്കൽ അല്ല ഞങ്ങളുടെ പണി.  അച്ചായൻ പറഞ്ഞു.

അവന് ആൾ ആരാണെന്ന് പോലും തിരിച്ചറിയാൻ പറ്റുന്നില്ല അപ്പോ ഇത് ഇവന്റെ സ്ഥിരം പണിയാന്നാ തോന്നുന്നേ. ക്ലീറ്റസ് അച്ചായാ ഇങ്ങനാണേൽ തന്തയെ അന്വേഷിച്ച് ഈ വീടിനു മുന്നിൽ പിള്ളേരും വയറ്റിൽ ഉണ്ടാക്കിയവനെ തേടി പിണ്പിള്ളേരും ഒരുപാട് വരുമെന്ന തോന്നുന്നേ. വേണേൽ അവനോട് ലിസ്റ്റ് വാങ്ങി അവരെ തേടി പോകുന്നതായിരിക്കും കുടുംബ മാനം പോകാതിരിക്കൻ നല്ലത്. വർഗീസ് ഇടയ്ക്ക് കയറി പറഞ്ഞു.

തന്നോട് ഞാൻ ഒരുവട്ടം പറഞ്ഞു. ഇനി താൻ സംസാരിച്ചാൽ എന്റെ കയ്യുടെ ചൂട് താൻ അറിയും.

മോളെ പിഴപ്പിച്ചതിനു ന്യായം ചോദിക്കാൻ വന്ന അപ്പച്ചനോട് എതിര് പറയുന്നോടാ ചെറ്റേ. ചേച്ചിയമ്മ അതും പറഞ്ഞ് എന്റെ കരണത്ത് അടിച്ചു.

ആ അടിയും കൂടെ കിട്ടിയപ്പോൾ ഞാൻ ആകേ തകർന്ന അവസ്ഥയിൽ ആയി.

ഞാൻ ഒന്നും ചെയ്തിട്ടില്ല ചേച്ചിയമ്മേ.

മിണ്ടിപോകരുത് നായേ. സ്വന്തം അനിയനെപ്പോലെ കണ്ട എന്റെ അനിയത്തിയെ തന്നെ ചതിക്കാൻ നിനക്ക് എങ്ങനെ തോന്നിയെടാ? ഷെറിൻ പറഞ്ഞു.

ഇനി അതും പറഞ്ഞിരുന്നിട്ട് എന്താ കാര്യം മോളെ? ഇതിനൊരു പരിഹാരം കാണാൻ നോക്ക്. പെങ്കൊച്ച് നമ്മുടെയാ നാണക്കേടും നമുക്കാ. ഷെർളി പറഞ്ഞു.

അതിനിനി ആലോചിക്കാൻ എന്തിരിക്കുന്നു. അവൻ അല്ലേ ചീത്തപ്പേര് ഉണ്ടാകാൻ കാരണം അപ്പോ അവൻ തന്നെ കെട്ടട്ടെ. വർഗീസ് പറഞ്ഞു.