😈 Guardian Ghost 😈 P-5 ༆ കർണൻ(rahul)༆ 421

മിഖായേലിന് തന്ത ഒന്നേ ഉള്ളു അതീ നിക്കുന്ന തോട്ടത്തിൽ ക്ലീറ്റസാ അത് പോലെ തന്ന പറയുന്ന വാക്കും. ഞാൻ തൊടാതെ എന്റെ കുഞ്ഞിനെ ഇവൾ ദിവ്യ ഗർഭം ധരിച്ച് പ്രസവിച്ചാൽ ആ കുഞ്ഞിനേം കൊണ്ട് ചേച്ചിയമ്മ ഞാൻ എവിടെ ഉണ്ടേലും അങ്ങോട്ട് പോര് കൂടെ ഈ തന്തയ്ക്ക് പിറക്കാത്തവളേം കൂട്ടിക്കോ അന്ന് തോട്ടത്തിൽ മിഖായേൽ ഇവളെ കെട്ടിക്കോളാം.

എന്റെ വീട്ടിൽ നിന്ന് ഇറങ്ങിപോടാ തന്തയ്ക്ക് പിറക്കാത്തവനെ. അപ്പച്ചൻ അതും പറഞ്ഞ് എന്നെ കഴുത്തിന് പിടിച്ചു വെളിയിലേക്ക് തള്ളിയിട്ടു.

ഞാൻ വീഴാൻ ആഞ്ഞെങ്കിലും തപ്പിതടഞ്ഞു നിന്നു. എന്നിട്ട് തിരിഞ്ഞ് ഇതുവരെ എന്റെ പ്രീയപ്പെട്ടവർ എന്ന് ഞാൻ കരുതിയിരുന്നവരെ നോക്കി ഒരു പുഞ്ചിരി സമ്മാനിച്ചു ദയനീയമായി തോറ്റവന്റെ പുഞ്ചിരി. തിരിഞ്ഞു നടക്കാൻ തുടങ്ങിയതും കൊച്ചാ എന്ന് വിളിച്ച് അവൾ വന്നെന്നെ പിന്നിൽ നിന്ന് കെട്ടിപിടിച്ചു.

ഞാൻ അവൾക്ക് നേരെ തിരിഞ്ഞു.

കൊച്ചന്റെ കുഞ്ഞിപ്പെണ്ണ് എന്തിനാ കരയുന്നെ.

കുഞ്ഞിയെ കൂട്ടാതെ കൊച്ചൻ പോകുവാന്നോ? അവൾ കരഞ്ഞുകൊണ്ട് ചോദിച്ചു.

എന്റെ കുഞ്ഞിപ്പെണ്ണിനെ കളഞ്ഞിട്ട് കൊച്ചൻ പോകുമോ? ഇപ്പോ ഇവരൊക്കെ കൊച്ചനോട് പിണങ്ങിയേക്കുവാ കുഞ്ഞി പിണങ്ങുമ്പോ കൊച്ചൻ എന്താ ചെയ്യാറ്.

ന്നെ ഇക്കിളിയിടും ചിരിപ്പിക്കും അപ്പോ ഞാൻ മിണ്ടും. അവൾ നിറഞ്ഞ കണ്ണുകളോടെ പറഞ്ഞു.

ഹാ അതുപോലെ തന്ന കൊച്ചനെ  ഇവരെയൊക്കെ മനസ്സിലാക്കുമ്പോ കൊച്ചൻ പിന്നേം വരും.

വരുമോ? അവൾ പ്രതീക്ഷയോടെ ചോദിച്ചു.

എന്റെ കുഞ്ഞിപ്പെണ്ണ് ഇവിടുള്ളപ്പോൾ കൊച്ചൻ വരാതിരിക്കോ?

ഇല്ല. കുഞ്ഞിയെ കണ്ടില്ലേൽ കൊച്ചന് വിഷമം ആകുമല്ലോ അതുപോലെ തന്ന കുഞ്ഞിക്കും. അവൾ പറഞ്ഞു.

കുഞ്ഞി വിഷമിക്കണ്ട കൊച്ചൻ പോയിട്ട് വരാം. ഞാൻ അതും പറഞ്ഞു തിരിഞ്ഞു നോക്കാതെ നടന്നു.