😈എൻ്റെ ടീച്ചർ അഥവാ എൻ്റെ ചേട്ടത്തിയമ്മ 9😈[ADM] 1473

വീണ്ടും ഒരുപാട് നേരം കരഞ്ഞ ഞാൻ രാത്രിയുടെ ഏതോയാമങ്ങളിൽ തളർന്നുറങ്ങിപ്പോയിരുന്നു………അരികിലുള്ള ചാക്കുകെട്ടുകളിൽ തലവെച്ചു ഞാൻ നന്നായിട്ടുറങ്ങിയെന്നു എനിക്ക് മനസിലായത് പിറ്റേന്ന് രാവിലെയാണ്………….

കണ്ണ് തുറക്കുമ്പോൾ വണ്ടി എവിടെയോ നിർത്തിയ മട്ടായിരുന്നു…………ഉറങ്ങിയെഴുന്നേറ്റതുകൊണ്ടുതന്നെ എന്റെ മനസ്സ് ചെറുതായിട്ടൊന്നു നോർമൽ ആയിട്ടുണ്ടായിരുന്നു………നിർത്തിയിട്ട വണ്ടിയിൽ ഞാൻ മാത്രം,,അപ്പൊ അയാൾ എവിടെ പോയി…….

ഞാൻ പതിയെ താറിന്റെ കർട്ടൻ ഉയർത്തി പുറത്തോട്ടിറങ്ങി………പക്ഷെ ഞാൻ വിചാരിച്ചതിലും ഒക്കെ ഒരുപാട് ദൂരെയാണ് ഞാൻ ഇപ്പോൾ നിൽക്കുന്നതെന്ന് ചുറ്റുപാടും ഉള്ള കടകളുടെ ബോര്ഡില് നിന്നും എനിക്ക് മനസിലായി…….

ഒരൊറ്റ മലയാളമോ അല്ലെങ്കിൽ ഇംഗ്ലീഷ് ബോർഡുകളോ ഇല്ല………..എല്ലാം തമിയ് ബോർഡുകൾ……തമിഴനാട്ടിലുള്ള ഏതോ സ്ഥലത്താണ് ഞാൻ നിൽക്കുന്നതെന്ന് എനിക്ക് മനസിലായി…….

ഞാൻ ചുറ്റുപാടും നോക്കി…….ഈ വണ്ടിയുടെ ഉടമസ്ഥനെ……………കണ്ണുകൾ കൊണ്ടുള്ള തിരച്ചിലിനൊടുവിൽ ഞാൻ അയാളെ കണ്ടെത്തി………ഏതോ ഒരു പെട്ടിക്കടയുടെ മുൻപിൽ നിന്ന് ഒരു സിഗരറ്റും പുകച്ചുകൊണ്ട് ഫോണിൽ എന്തോ തോണ്ടിക്കൊണ്ടിരിക്കുന്നു……..

ഞാൻ പതിയെ അയാളുടെ അടുത്തേക്ക് നടന്നു…………എന്നെ കണ്ടതും

“ആഹ്………എഴുന്നേറ്റോ…..ഞാൻ ഇറങ്ങുമ്പോ നല്ല ഉറക്കമായിരുന്നു…………മരിക്കാൻ പോകുന്നതിനു മുൻപുള്ള അവസാനത്തെ ഉറക്കമല്ലേ ഉറങ്ങിക്കോട്ടെ എന്ന് ഞാനും വിചാരിച്ചു……..ചായ വേണോ……….?”

ഞാൻ ഒന്നും മിണ്ടാതെ അയാളുടെ മുഖത്തേക്ക് തന്നെ നോക്കി നിന്നു…………

“അണ്ണാ….ഒരു ചായ……………”അയാൾ കടയിലെ ചേട്ടനെ നോക്കി എന്നെ ചൂണ്ടിക്കാണിച്ചുകൊണ്ട് ഒരു ചായക്ക് കൂടി പറഞ്ഞു