🖤 വേദനസംഹാരി 3 🖤 [Jacob Cheriyan] 387

“ അതിന് ഞാൻ അല്ല ദേ ഇവൾക്ക് എട്ടനോട് എന്തൊക്കെയോ ചോദിക്കണം എന്ന്…”

വൈഷ്ണവി പാറുവിനെ ചൂണ്ടി പറഞ്ഞു…

“ നിനക്ക് എന്ത് ചോദിക്കാൻ ആണ് പാറു…”

വൈഷ്ണവ് പാർവതിയോട് ചോദിച്ചു….

“ അത്… അത്.. ഏട്ടാ ഇന്ന് രാവിലെ ചേച്ചി ഏട്ടന്റെ ചേട്ടനെ കുറിച്ച് പറഞ്ഞു…..”

പാർവതി അത് പറഞ്ഞപ്പോ വൈഷ്ണവ് വൈഷ്ണവിയെ തുറിച്ച് നോക്കി….

പാറു തുടർന്നു…

“ അപ്പോ അതൊക്കെ കേട്ടപ്പോ എനിക്ക് ശിവേട്ടനെ കുറിച്ച് കൂടുതൽ അറിയാൻ ഒരു ആകാംഷ….”

പാർവതി പറഞ്ഞ് നിർത്തിയപ്പോൾ വൈഷ്ണവും വൈഷ്ണവിയും അവളെ അൽഭുതതോടെ നോക്കി…

“ആരെ കുറിച്ച് അറിയണമെന്ന്…”

വൈഷ്ണവ് അൽഭുതത്തോടെ ചോദിച്ചു…

“അത് പിന്നെ ശിവറാം ഏട്ടനെ കുറിച്ച്…”

പാറു തല താഴ്ത്തി നാക്ക് കടിച്ച് വായിൽ വന്ന വാക്ക് ഓർത്ത് ലജ്ജിച്ച് നിന്നു….

“നീയല്ലേടി ഇണലെ രാത്രി കൂടെ ശിവറാം ഏട്ടനെ വെട്ട്‌പോത്ത് എന്ന് പറഞ്ഞത്…”

വൈഷ്ണവി പാറുവിനോട് ചോദിച്ചു…