🖤 വേദനസംഹാരി 3 🖤 [Jacob Cheriyan] 387

“ ഏട്ടാ… ഏട്ടൻ എന്തിനാ അമ്മയോട് അങ്ങനെ ഒക്കെ പറഞ്ഞെ…. ”

വൈഷ്ണവി വൈഷ്ണവിനോട് ചോദിച്ചു….

“ അവൻ വന്നപ്പോ തൊട്ട് ഞാൻ ഇത് കാണുന്നതാ വൈഷ്ണവി… നിനക്ക് അറിയോ ഞാൻ ഇന്ന് വരെ അവരോട് എതിർത്ത് പറഞ്ഞിട്ടില്ല… പക്ഷേ ഇത് ഇനിയും പറഞ്ഞില്ലെങ്കിൽ ശെരി ആവില്ല…. ”

വൈഷ്ണവ് പറഞ്ഞു….

“ ഏട്ടാ ബീച്ചിൽ എപ്പോ ആണ് പോകുന്നേ…. ”

പാറു ചോദിച്ചു….

“ കുറച്ച് കഴിഞ്ഞ് പോകാം പാറു… ”

വൈഷ്ണവ് പറഞ്ഞു….

“ അതല്ല പോകുന്നതിന് മുൻപ് ശിവറാം ഏട്ടനെ വിളിക്കണ്ടെ അതാ ചോദിച്ചെ ”

പാറു പറഞ്ഞു….

“ പറഞ്ഞ പോലെ അങ്ങനെ ഒരു സംഭവം ഉണ്ടല്ലോ… ഞാൻ നിന്നോട് ഒന്നും കൂടെ ചോദിക്കുവാ പാറു അത് വേണോ അവന്റെ റൂമിൽ മുത്തശ്ശന്റെ മരണശേഷം ആരും കയറിയിട്ടില്ല.. ആ റൂമിൽ കയറുന്നതും ചെകുത്താൻ കോട്ടയിൽ കയറുന്നത് ഏറെ കുറെ ഒരേപോലെ ആണ്…. ”

വൈഷ്ണവ് പറഞ്ഞു….

“ ഒന്ന് വിളിച്ച് നോക്കാം ഏട്ടാ അഥവാ വന്നാലോ…. ”