🖤 വേദനസംഹാരി 3 🖤 [Jacob Cheriyan] 387

“ ഒന്ന് ബീച്ച് വരെ… ചുമ്മാ വീട്ടിൽ ഇരുന്ന് ഇവർക്ക് ബോർ അടിക്കണ്ട എന്ന് വെച്ച്… ”

വൈഷ്ണവ് പറഞ്ഞു….

“ എങ്കിൽ ഇറങ്ങാൻ നോക്ക് ഇരുട്ടുന്നതിന് മുൻപ് തിരിച്ച് എത്താല്ലോ… ”

അച്ഛൻ പറഞ്ഞു…

“ അതിന് ഞങൾ മാത്രം അല്ല ഏട്ടനും ഉണ്ട്…”

വൈഷ്ണവ് പറഞ്ഞു…

“ ആര് ശിവയോ… അവൻ സമ്മതിച്ചോ നിങ്ങളുടെ ഒപ്പം വരാൻ… ”

വിശ്വനാഥൻ അതിശയത്തോടെ ചോദിച്ചു…

അപ്പോഴേക്കും ശിവ താഴേക്ക് ഇറങ്ങി വന്നു… ഒരു കറുത്ത ജുബ്ബയിൽ നിറയെ തലയോട്ടിയുടെ ചിത്രങ്ങളും നെഞ്ചിന്റെ ഭാഗത്ത് ഒരു വലിയ തലയോട്ടിയുടെ ചിത്രവും ഉള്ള ഒരു കറുത്ത ജുബ്ബയും എപ്പോഴത്തെയും പോലെ ഒരു കറുത്ത ജീൻസ് ആയിരുന്നു അവന്റെ വേഷം… മുടി അഴിച്ച് ഇട്ടിരുന്നു… അത് കഴുത്ത് വരെ ഉണ്ടായിരുന്നു…. ഏറെക്കുറെ നമ്മുടെ അക്വാമാനെ പോലെ…. ബട്ട് ശിവയുടെ മുടി കറുപ്പ് ആയിരുന്നു… കൂടാതെ ശിവയ്ക്ക് ടാറ്റൂ ഒന്നും ഉണ്ടായിരുന്നില്ല…

“ ഏട്ടാ എന്റെ കാർ ഡെക്കറേഷൻ മാറ്റാൻ കൊണ്ട് പോയേക്കുവാ… അതുകൊണ്ട് നമുക്ക് അച്ഛന്റെ വണ്ടിക്ക് പോകാം… ”

വൈഷ്ണവ് ശിവറാമിനോട് പറഞ്ഞു…

ശിവറാം അവനെ ഒന്ന് സൂക്ഷിച്ച് നോക്കി….

“ അച്ഛാ വണ്ടിയുടെ കീ ഏട്ടന്റെ കയ്യിൽ കൊടുത്തോ…. ഇന്ന് ഏട്ടൻ ആണ് ഡ്രൈവിംഗ്…. കുറെ നാൾ ആയി ഏട്ടന്റെ ഡ്രൈവിംഗ് ഞാൻ കണ്ടിട്ട്….. ”