🖤 വേദനസംഹാരി 3 🖤 [Jacob Cheriyan] 387

ഒരു ചിരിയോടെ വൈഷ്ണവ് പറഞ്ഞു…

“ അയ്യോ… ഏട്ടാ ഞാൻ ഇപ്പൊ ആണ് ഓർത്തത്… രാവിലെ പാറു ഏട്ടൻ ആണെന്ന് വെച്ച് ശിവറാം ഏട്ടന്റെ അടുത്ത് പോയി എന്തൊക്കെയോ വിളിച്ച് കൂവിയിട്ടുണ്ട്… എന്നെ അറിയില്ലെന്ന് എന്തോ പറഞ്ഞപ്പോ അവള് ഏട്ടന്റെ കഴുത്തിൽ പിടിക്കാൻ പോയി എന്നൊക്കെ പറഞ്ഞു ആ പെണ്ണ്…”

വൈഷ്ണവി ചെറിയ ഒരു ഭയത്തോടെ പറഞ്ഞു….

“ ഈശ്വരാ… എന്നിട്ട് ഏട്ടൻ അവളെ എന്തെങ്കിലും ചെയ്തോ… തല്ലുകയോ മറ്റോ…”

വൈഷ്ണവ് ചോദിച്ചു…

“ഇല്ല ഏട്ടാ കഴുത്തിൽ പിടിക്കാൻ പോയപ്പോ കൈ തട്ടി മാറ്റി പുറത്തേക്ക് പോയി…”

വൈഷ്ണവി പറഞ്ഞു…

“ ഏയ്… അങ്ങനെ വരാൻ സാധ്യത ഇല്ലല്ലോ… ഏട്ടന്റെ സ്വഭാവം അനുസരിച്ച് അപ്പോ എന്തെങ്കിലും ചെയ്യണ്ടത് ആണല്ലോ….”

വൈഷ്ണവ് സംശയത്തോടെ പറഞ്ഞു….

“ഏട്ടാ ഇനി പിന്നെ പകരം വീട്ടാൻ വേണ്ടി കാത്തിരിക്കുകയായിരിക്കോ ശിവറാം ഏട്ടൻ…”

വൈഷ്ണവി ഭയത്തോടെ ചോദിച്ചു…

“ ഏയ്.. ഏട്ടന് അങ്ങനത്തെ സ്വഭാവം ഇല്ല… പറയാൻ ഉള്ളത് ആയാലും കൊടുക്കാൻ ഉള്ളത് ആയാലും അപ്പോ തന്നെ കൊടുത്ത് തീർക്കും… പിന്നത്തെക്ക് മാറ്റി വെക്കുന്ന സ്വഭാവം ഇല്ല… നീ തന്നെ കണ്ടത് അല്ലേ ഇന്ന് മറ്റെ അമ്മാവനിട്ട്‌ കൊടുത്തത്….”

വൈഷ്ണവ് പറഞ്ഞു….