? വേദനസംഹാരി 3 ? [Jacob Cheriyan] 387

പെട്ടെന്ന് വൈഷ്ണവിയുടെ ശബ്ദം കേട്ട പാറു ഞെട്ടി തല ചരിച്ച് നോക്കി… അവിടെ ചിരിച്ച് കൊണ്ട് നിൽക്കുന്ന വൈഷ്ണവും വൈഷ്ണവിയും….

“ മോളെ പാറു ഇനിയെങ്കിലും അവന്റെ കഴുത്തിൽ നിന്ന് പിടി വിടടീ…. പാവം അവൻ എന്റെ ചേട്ടൻ അല്ലേ…. കഴുത്ത് വേദനിക്കൂലെ…. ”

ഒരു പൊട്ടിച്ചിരിയോടെ വൈഷ്ണവ് പറഞ്ഞു….

അത് കേട്ട് പാറു ഒരു ചമ്മലോടെ തലയണയിൽ നിന്ന് കൈ മാറ്റി……

“ എന്താ ഇപ്പോ ഇവിടെ നടന്നേ…. എനിക്ക് കല്യാണം വേണ്ട… എന്റെ മനസ്സ് കീഴടക്കാൻ പറ്റിയ ആണുങ്ങൾ ഒന്നും ലോകത്ത് ജനിച്ചിട്ടില്ല…. ഞാൻ ഒരിക്കലും പ്രേമിക്കില്ല എന്നൊക്കെ പറഞ്ഞ പാറു ആണോ ഇത്….”

വൈഷ്ണവി ഒരു കളിയാക്കി ചിരിയോടെ പറഞ്ഞു….

പാറു ഒന്നും മിണ്ടാതെ തല താഴ്ത്തി നിന്നു….

“ അത്രക്ക് ഇഷ്ടമാണോ അവനെ… ”

താഴേക്ക് നോക്കി നിന്ന പാറുവിന്റെ മുഖം രണ്ട് കൈ കൊണ്ട് പൊക്കിയ ശേഷം വൈഷ്ണവ് ചോദിച്ചു….

“ മ്മ്..മ്മ്‌.. ”

പാർവതി മൂളി കൊണ്ട് ആണെന്ന് തലയാട്ടി…..

“ ഉറപ്പ് പറയുന്നില്ല… പക്ഷേ എന്റെ അനിയത്തിക്ക് വേണ്ടി എന്നെ കൊണ്ട് പറ്റുന്ന എന്തും ഞാൻ ചെയ്തത് തരാം…. ”

വൈഷ്ണവ് അവളോട് പറഞ്ഞു……