? വേദനസംഹാരി 3 ? [Jacob Cheriyan] 387

“ താടിയും മുടിയും അല്ല ഇനി എന്തൊക്കെ വളർത്തിയാലും നിങ്ങളാരും ഞങ്ങളുടെ…. അല്ല എന്റെ ശിവയെ പോലെ ആവില്ല… ”

ഒരു പുഞ്ചിരിയോടെ മിതാലി പറഞ്ഞു… അത് കേട്ട ആ ചോദിച്ച ആളിന് ചോദിക്കണ്ടായിരുന്നു എന്ന് തോന്നി പോയി…

“ എടാ നീ വൈഷ്ണവ് സാറിന്റെ ചേട്ടൻ ആണോ…. ”

മിതാലി ശിവറാമിനോട് ചോദിച്ചു…

“ യാ…. ഹീ ഇസ് മൈ ബ്രദർ… ”

ശിവറാം പറഞ്ഞു….

“ എനിക്ക് സാറിനെ കണ്ടപ്പോ സംശയം തോന്നി നീ ആണോന്ന്… പിന്നെ പേര് വൈഷ്ണവ് എന്ന് പറഞ്ഞപ്പോ മനസ്സിലായി നീ അല്ലെന്ന്… ”

മിതാലി പറഞ്ഞു…. ശിവ അതൊക്കെ കേട്ട് ചിരിച്ച് കൊണ്ട് നിന്നു….

“ അല്ലെടാ അന്ന് നീ ആമിയ്ക്ക് വീട്ടിൽ വേറെ കല്യാണം ആലോചിച്ചു തുടങ്ങി… ഇനി കാത്തിരിക്കാൻ പറ്റില്ല എന്ന് പറഞ്ഞ് വന്നിട്ട് എന്തായീ…. നിങ്ങളുടെ കല്യാണം കഴിഞ്ഞോ…?? ”

മിതാലി സന്തോഷത്തോടെ ചോദിച്ചു….

ഒരു നിമിഷം ശിവറാമിന്റെ മുഖത്തെ ചിരി മാഞ്ഞു… പെട്ടെന്ന് തന്നെ അവൻ ഒരു പുഞ്ചിരിയോടെ പറഞ്ഞു….