? വേദനസംഹാരി 3 ? [Jacob Cheriyan] 387

“ എങ്ങനെ…??? അല്ല മിതലി തനിക്ക് മലയാളം അറിയോ…??? ”

വൈഷ്ണവ് ആകാംഷയോടെ ചോദിച്ചു…

“ അത് പറയാൻ ആണെങ്കിൽ കുറെ ഉണ്ട്…. ഞങ്ങൾ ഒരു ഹൈദ്രബാദ്‌ കണക്ഷൻ ആണ്.. ഇവളെ മലയാളം ഇവളുടെ അമ്മ പഠിപ്പിച്ചത് ആണ്…. പുള്ളിക്കാരി മലയാളി ആയിരുന്നു…. ”

ശിവറാം പറഞ്ഞു….

“ അല്ലാ… നീ ഇവളെ പറ്റി ആണോ നേരത്തെ എന്നോട് പറഞ്ഞെ… പാവം ആണ്… മിണ്ടാപൂച്ച ആണെന്ന്…. ”

ശിവറാം ഒരു ചിരിയോടെ പറഞ്ഞു…

“ അതെ… ”

വൈഷ്ണവ് പറഞ്ഞു

“ എന്റെ പൊന്നു മോനേ നിനക്ക് ഈ സാധനത്തിന്റെ സ്വഭാവം അറിയാത്തത് കൊണ്ടാ….. പട്ടാപകൽ ഒരു പെൺകുട്ടിയെ കയറി പിടിക്കാൻ നോക്കിയ രണ്ടെണ്ണത്തിന്റെ നട്ടെല്ല് നടുറോട്ടിൽ ഇട്ട് ചവിട്ടി ഓടിച്ച മൊതല് ആണ് ഇത്… ”

ശിവറാം മിതാലിയെ കുറിച്ച് പറഞ്ഞപ്പോൾ എല്ലാവരും വായ പൊളിച്ച് അവളെ നോക്കി…

“ അതെന്താ മിതാലി ഞങ്ങളോട് ഒന്നും ഇത് പോലെ മിണ്ടാത്തത്…. ഒന്നിലെങ്കിലും 1 വർഷം ആയി നമ്മൾ എല്ലാവരും ഒരുമിച്ച് വർക്ക്‌ ചെയ്യുന്നത് അല്ലേ….. ഇനി ശിവറാമിനെ പോലെ ഞങ്ങൾക്ക് താടിയും മുടിയും ബോഡിയും ഒന്നും ഇല്ലാത്ത കൊണ്ടാണോ… ”

വൈഷ്ണവിന്റെ കൂട്ടുകാരിൽ ഒരാൾ തമാശ എന്നോണം അവളോട് ചോദിച്ചു….