? വേദനസംഹാരി 3 ? [Jacob Cheriyan] 387

വൈഷ്ണവിക്കും പാറുവിനും കൂട്ടുക്കാരെ ഒക്കെ വൈഷ്ണവ് പരിചയപെടുത്തി… അതിൽ വൈഷ്ണവ് നേരത്തെ പറഞ്ഞ മിതാലി എന്ന എന്ന കുട്ടി അവൻ പറഞ്ഞതിലും introvert ആണെന്ന് അവർക്ക് കുറച്ച് സമയത്തിന് ഉള്ളിൽ മനസ്സിലായി.. കാരണം അവൾ മുഖം പോലും ഉയർത്തി നോക്കുന്നുണ്ടായിരുന്നില്ല….

ഇടയ്ക്ക് വൈഷ്ണവ് അവളോട് ഇങ്ങനെ ഇരിക്കാതെ എന്തെങ്കിലും ചോദിക്കാൻ പറഞ്ഞപ്പോൾ അവൾ വളരെ ശബ്ദം കുറച്ച് ഹിന്ദിയിൽ വൈഷ്ണവിയോട്‌ പേര് ചോദിച്ചു…. അവൾ എല്ലാരോടും ഹിന്ദിയിൽ ആയിരുന്നു സംസാരിച്ചിരുന്നത്…. അല്ലെങ്കിൽ ഇംഗ്ലീഷിൽ…..

അപ്പോഴാണ് കയ്യിൽ ഒരു കേജും ആയി ശിവറാം കയറി വന്നത്…

“ ഏട്ടാ ഇങ്ങോട്ട് ഒന്ന് വരോ…. ”

വൈഷ്ണവ് ശിവറാമിനോട് ചോദിച്ചു….

അവൻ ആ കൂട് അവിടെ വെച്ച ശേഷം വൈഷ്ണവിന്റെ അടുത്തേയ്ക്ക് പോയി…

“ ഗായ്സ് ഇതാണ് എന്റെ ചേട്ടൻ…. ”

വൈഷ്ണവ് ശിവറാമിനെ അവരെ എല്ലാവരെയും പരിചയപെടുത്തി….

എല്ലാവർക്കും കൈ കൊടുത്ത് അവൻ അവസാനം മിതാലിയുടെ അടുത്ത് എത്തി…. അവൾ ഇപ്പോഴും തലകുംബിട്ട്‌ നിൽക്കുകയാണ്…

“ ഏട്ടാ ഇതാണ്…. ”

വൈഷ്ണവ് പറഞ്ഞ് തുടങ്ങിയപ്പോഴേക്കും ശിവറാം കൈ ഉയർത്തി അവനെ തടഞ്ഞു…..

എല്ലാവരും എന്താണ് ഇവിടെ സംഭവിക്കുന്നത് എന്ന് അറിയാൻ ആകാംഷയോടെ നിൽക്കുകയാണ്……

ശിവറാം മിതാലിയുടെ മുൻപിൽ പോയി നിന്നു…. അവൾ അപ്പോഴും തല താഴ്ത്തി നിൽക്കുകയാണ്… എന്തോ ആലോചിക്കുന്നു എന്ന പോലെ….