? വേദനസംഹാരി 3 ? [Jacob Cheriyan] 387

അരവിന്ദ് മുൻപിൽ നിന്ന ഒരു ഗുണ്ടയെ പോലെ തോന്നിക്കുന്ന ഒരാളെ നോക്കി പറഞ്ഞു….

ഉടനെ അവൻ ഷർട്ടിന്റെ കൈ മുകളിലേക്ക് കയറ്റി വെച്ച് കൊണ്ട് ശിവറാമിന്റെ നേരെ വന്നു….

ഉടനെ വന്നവൻ തിരികെ തെറിച്ച് അവന്മാരിൽ ഒരുത്തനെയും കൊണ്ട് പുറകിലേക്ക് വീണു…. ഒന്ന് കണ്ണ് അടച്ച് തുറന്ന വൈഷ്ണവിയും പാറുവും വിചാരിച്ചു ശിവറാം ആണ് അടിച്ചതെന്ന്… പക്ഷേ അവരെ ഞെട്ടിച്ചത് വൈഷ്ണവ് ആയിരുന്നു അവന്റെ നെഞ്ചിന് ഒരു ചവിട്ട് കൊടുത്തത്… ഇത് വരെ ആരും കാണാത്ത വൈഷ്ണവിന്റെ ഒരു മുഖം…. ചിരിച്ച് നടക്കുന്ന വൈഷ്ണവിന്റെ മറ്റൊരു മുഖം…

“ അത് അന്തസ്സ്…. പക്ഷേ പവർ അത്ര പോരല്ലോ ഡാ… ”

ശിവറാം ചിരിച്ച് കൊണ്ട് വൈഷ്ണവിനെ നോക്കി പറഞ്ഞു..

“ എനിക്ക് നിന്നെ പോലെ കോളേജിൽ തല്ലുണ്ടാക്കൽ അല്ലടാ ചേട്ടാ പണി….. ”

ഒരു ചിരിയോടെ വൈഷ്ണവ് പറഞ്ഞു…

“ നീ എന്താ വൈഷ്ണവെ വിചാരിച്ചെ…. നീ എന്നെ തല്ലിയത് കാരണം എന്റെ സ്വന്തം കമ്പനിയിൽ പോലും എനിക്ക് ഇപ്പൊ വിലയില്ല… എല്ലാവരും എന്നെ കളിയാക്കി ചിരിക്കുവാ…. അത് കൊണ്ട് വേണ്ടി വന്നാൽ നിന്നെ ഇവിടെ വെട്ടി അരിഞ്ഞ് ഇടാൻ പോലും തയ്യാറായി ആണ് ഞാൻ വന്നത്…. ”

അരവിന്ദ് അതും പറഞ്ഞ് അവന്റെ വണ്ടിയുടെ ഡിക്കിയിൽ നിന്ന് ഒരു വാൾ എടുത്തു…. പുറകെ ബാക്കി ഉള്ളവരും പോയി ഓരോ ആയുധങ്ങൾ വീതം എടുത്തു….

അത് കണ്ട വൈഷ്ണവ് ഒന്ന് പതറി… വേറൊന്നുമല്ല കൂടെ ഉള്ള പെണ്ണുങ്ങളെ പറ്റി ആയിരുന്നു അവന്റെ ടെൻഷൻ…. അവൻ മുഖം തിരിച്ച് ശിവറാമിനെ നോക്കി… അവൻ ആണെങ്കിൽ സിഗരറ്റ് ആസ്വദിച്ച് വലിച്ച് കൊണ്ട് ബോണറ്റിൽ ഇരിക്കുന്നു…