? വേദനസംഹാരി 3 ? [Jacob Cheriyan] 387

വൈഷ്ണവ് ചോദിച്ച്…

“ ആഹ് അതും ശെരി ആണല്ലോ….പിന്നെ എന്താ ഏട്ടന്റെ അച്ഛനും അമ്മയും അങ്ങനെ.. ഒരു മകനോട് പക്ഷാഭേദം….”

വൈഷ്ണവി ചോദിച്ചു….

“ അവർ എന്താ അങ്ങനെ എന്ന് എനിക്ക് അറിയില്ല.. പക്ഷേ അവർ ആ സംഭവത്തിന് മുൻപ് ഒരിക്കൽ പോലും അവനോട് സ്നേഹത്തോടെ പെരുമാറുന്നതോ ഒരു മകനോട് ഉള്ള സ്നേഹം കാണിക്കുന്നതോ ഞാൻ കണ്ടിട്ടില്ല….”

വൈഷ്ണവ് പറഞ്ഞു…

കുറച്ച് നേരം വൈഷ്ണവി അതൊക്കെ കേട്ട് മിണ്ടാതെ നിന്നു… എന്നിട്ട്‌ വൈഷ്ണവിന് നേരെ തിരിഞ്ഞു….

“ അല്ല ഏട്ടാ എത്ര നാൾ ശിവറാം ഏട്ടൻ ഇങ്ങനെ ജീവിക്കും… ഏട്ടനും ഒരു കുടുംബജീവിതം വേണ്ടെ….”

വൈഷ്ണവി ഒരു സംശയത്തോടെ ചോദിച്ചു….

“ ഇതും ചോദിച്ച് നീ അങ്ങോട്ട് ചെല്ല്‌… പിന്നെ നിന്നെ കിണറ്റില് വെല്ലതും നോക്കിയാൽ മതി…. ആ സംഭവത്തിന് ശേഷം ഏട്ടൻ ഒരു പെണ്ണിനോട് പോലും മിണ്ടുന്നത് ഞാൻ കണ്ടിട്ടില്ല… ആരെങ്കിലും അറിയാതെ ആണെങ്കിലും അവനോട് അമിതസ്വാതന്ത്യം എടുക്കുന്നതായിട്ട്‌ അവന് തോന്നിയാൽ അവൻ വലിച്ച് കീറി വെല്ല മതിലിലും ഒട്ടിക്കും… ”

ഒരു പുഞ്ചിരിയോടെ വൈഷ്ണവ് പറഞ്ഞു… ഒന്ന് നിർത്തിയ ശേഷം വൈഷ്ണവ് തുടർന്ന്..

“നീയും കണ്ടത് അല്ലേ അവന്റെ സ്വഭാവം ഇന്ന്… സാധാരണ ഞാൻ ഒക്കെ ആദ്യം കാര്യം പറയും എന്നിട്ട് തല്ലും അല്ലെങ്കിൽ ചിലർ തല്ലിന്റെ ഇടക്ക് കാര്യം പറയും… പക്ഷേ ഏട്ടൻ അടി കഴിഞ്ഞിട്ടേ കാര്യം പറയൂ.”