? വേദനസംഹാരി 3 ? [Jacob Cheriyan] 387

ശിവറാം ചോദിച്ചു…

“ എന്താ ”

വൈഷ്ണവ് ചോദിച്ചു….

“ ഞാൻ എന്താണെന്നും എന്റെ ജന്മം എന്താണെന്നും എനിക്ക് മനസ്സിലാക്കി തന്നത് ആ കാര്യമാ…. ”

ശിവറാം പറഞ്ഞു… ഒന്നും മനസ്സിലാവാതെ വൈഷ്ണവും വൈഷ്ണവിയും പാറുവും മുഖത്തോട് മുഖം നോക്കി…

“ അവരുടെ രണ്ട് പേരുടെം ഭാഷയിൽ പറഞാൽ…. ശ്രീമംഗലത്ത് വീട്ടിലെ വിശ്വനാഥനും ഭാര്യ രമാദേവിക്കും അവരുടെ കല്യാണം കഴിഞ്ഞു ഉള്ള ആദ്യ വർഷത്തെ ദാമ്പത്യ ജീവിതത്തിൽ സംഭവിച്ച ഒരു തെറ്റ് ആണ് നിന്റെ മുൻപിൽ ഈ 6 അടി പൊക്കത്തിൽ ഇരുന്നു വണ്ടി ഓടിക്കുന്ന ഞാൻ… ഹ.. ഹ..ഹ..ഹ.. ”

ശിവറാം അതും പറഞ്ഞ് ഇരുന്നു ചിരിച്ചു….

“ എന്തിനാ ഏട്ടാ ഇങ്ങനെ ഒക്കെ പറയുന്നെ… ഇതൊക്കെ ഏട്ടൻ സങ്കല്പിച്ച് കൂട്ടുന്നത് അല്ലേ… ”

വൈഷ്ണവ് സങ്കടത്തോടെ പറഞ്ഞു….

“ ഹ…ഹ.. നിന്നോട് ഇത് സങ്കല്പിച്ച് കൂട്ടുന്നത് ആണെന്ന് ആരാ പറഞ്ഞെ…. എന്നെ ജനിപ്പിച്ച ആ രണ്ട് പേര് ആണ് ഇത് എന്നോട് പറഞ്ഞത് അതും എന്റെ മുഖത്ത് നോക്കി that too in the age of 13… ”

ശിവറാം പറഞ്ഞു….

“ അവർക്ക് ഞാൻ ഒരു ആവശ്യം ഇല്ലാതെ പിറന്ന ഒരു ജന്മമാ… പ്രഗ്നെന്റ് ആണെന്ന് കണ്ടപ്പോ തന്നെ ഡോക്ടറെ കാണിച്ചു അബോർഷൻ നടത്താൻ വേണ്ടി… എന്നെ അവർക്ക് വേണ്ടായിരുന്നു…. പക്ഷേ അത് നടന്നില്ല… പിന്നെ എല്ലാം വിധി ആണെന്ന് വെച്ച് സമാധാനിച്ചു ഇരുന്നപ്പോ ആണ് അവർക്ക് വിശ്വാസം ഉള്ള ഏതോ സ്വാമി നായിന്റെമോൻ പറഞ്ഞത് വയറ്റിൽ ഉള്ളത് ഒരു അസുരൻ ആണെന്ന്… വളരുമ്പോ സ്വന്തം കുടുംബം തന്നെ നശിപ്പിക്കും എന്ന്… ”