? വേദനസംഹാരി 3 ? [Jacob Cheriyan] 387

“ എങ്ങനെ ചോദിച്ചത്….?? ”

കാറിൽ കയറി ഇരുന്നു കൊണ്ട് വൈഷ്ണവ് ചോദിച്ചു….

“ അല്ലാ കാറിൽ ബ്രേക്ക് ഉണ്ടോ എന്ന് ചോദിച്ചത്… ”

വൈഷ്ണവ് മറുപടി കൊടുത്തു….

“ അത് പിന്നെ പുള്ളിടെ നാക്കിനോ ബെല്ലും ബ്രേക്കും ഇല്ല…. വണ്ടിക്ക് എങ്കിലും ഉണ്ടോ എന്ന് അറിയണ്ടേ…. ”

ഒരു ചിരിയോടെ ശിവറാം പറഞ്ഞു..

അവൻ പതിയെ വണ്ടി മുൻപോട്ട് എടുത്തു….

“ എന്തിനാ ഏട്ടാ അച്ഛനോട് ഞാൻ ഓടിച്ചാൽ അശുദ്ധം ആകുമോ എന്നൊക്കെ ചോദിച്ചത്… അവർ ചെയ്തതിന് ഒക്കെ അവർക്ക് നല്ല പാശ്ചാതാപം ഉണ്ട്… അതിനും വേണ്ടി അവർക്ക് നല്ല സങ്കടം ഉണ്ട്… നിന്റെ കാര്യത്തിൽ…. ”

വൈഷ്ണവ് വണ്ടി ഓടിക്കുന്ന ശിവറാമിനോട് പറഞ്ഞു….

“ ഇതൊക്കെ എന്ത് സങ്കടം…. എനിക്ക് ഇതൊക്കെ കാണുമ്പോ ഒരു കോപ്പും തോന്നാറില്ല…. കാരണം ഇതിനും വലുത് അനുഭവിച്ചവൻ ആണ് ഞാൻ…. ”

ശിവറാം പറഞ്ഞു….

“ നീ പറഞ്ഞില്ലേ എന്റെ കാര്യം ഓർത്ത് സങ്കടപെടുന്ന രണ്ട് പേരുടെ കാര്യം…. അവരുടെ ഭാഷയിൽ പറഞ്ഞാൽ ഞാൻ എന്താണെന്ന് നിനക്ക് അറിയോ… ”