? വേദനസംഹാരി 3 ? [Jacob Cheriyan] 387

വൈഷ്ണവി ശബ്ദം കുറച്ച് വൈഷ്ണവിനോട് ചോദിച്ചു..

“ അറിയില്ല ഡീ… ”

വൈഷ്ണവും അതെ പോലെ തന്നെ തിരികെ പറഞ്ഞു…..

“ ഏട്ടാ… നീ എവിടെയാ.. ”

വൈഷ്ണവ് ഉറക്കെ വിളിച്ചു ചോദിച്ചു….

പെട്ടെന്ന് ആ സിമെന്റ് ടാങ്കിന്റെ ഉള്ളിൽ നിന്ന് ശിവ പൊങ്ങി വന്നു….

“ ഏട്ടാ ഇതെന്താ റൂമിന്റെ ഉള്ളിൽ പൂൾ ഉണ്ടാക്കിയോ നീ… ”

വൈഷ്ണവ് ശിവറാമിനോട് ചോദിച്ചു….

“ സ്വിമ്മിങ് പൂൾ ഒന്നും അല്ലടാ ഇത് ചുമ്മാ തല തണുപ്പിക്കാൻ വേണ്ടി ഉണ്ടാക്കിയതാ…. ”

അതിന്റെ ഉള്ളിൽ എഴുന്നേറ്റ് നിന്ന് ടാങ്കിന്റെ ഭിത്തിയിൽ ഇരിക്കുന്ന കുപ്പിയിൽ നിന്ന് ഗ്ലാസിലേക്ക്‌ ഒരു പെഗ് ഒഴിച്ച് വെള്ളം പോലും ചേർക്കാതെ അത് വലിച്ച് കുടിച്ചിട്ട് അവിടെ ഇരുന്ന പ്ലേറ്റിലെ ബീഫ് ഫ്രൈ എടുത്ത് വായിലേക്ക് ഇട്ട്കൊണ്ട് പറഞ്ഞു…

“ തല തണുപ്പിക്കാനോ… ”

വൈഷ്ണവ് ചോദിച്ചു…

“ അത് നിനക്ക് പറഞാൽ മനസ്സിലാവില്ല… അത് പോട്ടെ ഇപ്പൊ എന്തിനാ ഇങ്ങോട്ട് വന്നെ…”