? വേദനസംഹാരി 3 ? [Jacob Cheriyan] 387

“അത് ആരാണ് ഏട്ടാ….??”

വൈഷ്ണവി ചോദിച്ചു….

“നമ്മുടെ കല്യാണം നടത്തി , നിന്നെ മോളെ എന്ന് വിളിച്ച് നിലവിളക്ക് തന്ന് വീട്ടിലേക്ക് കയറ്റിയ എന്റെ അച്ഛനും അമ്മയും….”

വൈഷ്ണവ് പറഞ്ഞു…

“അപ്പോ അച്ഛനും അമ്മയും ആണോ ആ ചേച്ചിയെ കൊന്നത്…”

വൈഷ്ണവി ചോദിച്ചു…

“ അല്ല അവർക്ക് ആ മരണത്തിൽ പങ്കില്ല… പക്ഷേ അവർ വിചാരിച്ചിരുന്നു എങ്കിൽ ആ ചേച്ചിയുടെ മരണം ഒഴിവാക്കാമായിരുന്നു…. എന്റെ ചേട്ടൻ ഇന്ന് നല്ല രീതിക്ക് ജീവിച്ചെനെ….”

വൈഷ്ണവ് മുകളിലെ നിലയിൽ ഇരുന്നു കുടിക്കുന്ന ശിവയെ നോക്കി പറഞ്ഞു….

“ അതെന്താ അവർ അങ്ങനെ ഒക്കെ ചെയ്യുന്നേ… ശിവറാം ഏട്ടൻ അച്ഛന്റെയും അമ്മയുടെയും സ്വന്തം മകൻ അല്ലേ…”

വൈഷ്ണവി ചോദിച്ചു…

“ നീ പൊട്ടി ആയിട്ട് അഭിനയിക്കുവാണോ അതോ ശെരിക്കും അങ്ങനെ ആണോ…??”

വൈഷ്ണവ് അവളെ കളിയാക്കി കൊണ്ട് ചോദിച്ചു….

“ ഏട്ടാ… ദേ എന്നെ ദേഷ്യം പിടിപ്പിക്കരുത് കേട്ടോ…”

വൈഷ്ണവി അല്പം കൊഞ്ചലോടെയും അല്പം ദേഷ്യത്തോടെയും പറഞ്ഞു…

“ പിന്നെ അല്ലാതെ… എടി മരമണ്ടി… അവൻ അവരുടെ സ്വന്തം മകൻ അല്ലെങ്കിൽ പിന്നെ ഞങ്ങൾ എങ്ങനെ ആണെടീ ഒരുപോലെ ആയത്…”