?ശ്രീക്കുട്ടി? [❥︎????? ꫝ? ʀ❥︎] 218

“വല്യേട്ടാ…….”

അപ്പോഴേക്കും അവളെന്നെ കെട്ടിപ്പിച്ച് കരഞ്ഞിരുന്നു.

“മോളെ കരയാതടാ….. നിനക്കെന്തോ പ്രശ്നമുണ്ടെന്ന് ഏട്ടന് മനസ്സിലായി. പറയ്യ്‌ എന്താണേലും പറയ്യ്‌……”

“പ്രശ്നം ഇന്നും ഇന്നലേം തുടങ്ങിയത് അല്ലെട്ടാ……..,,,,”

കണ്ണുനീര് തുടച്ചവൾ പറയാൻ തുടങ്ങി.

“എന്നെ തുടർന്ന് പഠിപ്പിക്കാന്ന് പെണ്ണ് കാണാൻ വന്നപ്പഴേ പുള്ളീടമ്മ പറഞ്ഞതാ. പക്ഷെ കല്യാണം കഴിഞ്ഞ് മൂന്ന് മാസത്തോളം ആയിട്ടും എന്നെയവര് പഠിക്കാൻ വിടുന്നത് പോയിട്ട് അതിനെ പറ്റി ഒന്ന് ചോദിച്ചത് പോലുമില്ല. പുള്ളിയോടത് ചോദിച്ചപ്പോ പുള്ളി എന്തൊക്കെയോ പറഞ്ഞ് ഒഴിഞ്ഞു മാറുവായിരുന്നു. അത് പിന്നെയൊരു തർക്കത്തിൽ എത്തുകയും എന്നെ അടിക്കുകയും ചെയ്തു. സമാധാനം ഇല്ലാത്ത ജീവിതമായിരുന്നേട്ടാ എന്റേത്. ഇത്തിരിയെങ്കിലും ആശ്വാസം കിട്ടുന്നത് ഏട്ടനോട് സംസാരിക്കുമ്പഴാ. ഇങ്ങോട്ട് വരണോന്നൊക്കെ വിചാരിക്കും, പിന്നതിന്റെ പേരിലാവും അടുത്തടി. ഞാനൊറ്റ മോളാന്ന അമ്മയും അച്ഛനുമൊക്കെ അവരോട് പറഞ്ഞിരുന്നേ. എന്നാ അത് പോലും ഞാൻ അറിയുന്നത് കല്യാണ ശേഷമാ.