❤️ദേവൻ ❤️part 16 [Ijasahammed] 221

നീയ് വരും ന്ന് നിക്കറിയാ…
അതോണ്ട്തന്നേണ് വന്നു കാണാഞ്ഞേ.. കണ്ടിട്ടും മിണ്ടാഞ്ഞേ…
മിണ്ടികഴിഞ്ഞാ പിന്നെ കാലാ കാലം കൂടെ വേണം ന്ന് തോന്നിയാലോ നിക്ക് …

അതോണ്ട് വേണ്ടാ കര്തി…

ഒറ്റക്ക് മതീന്ന് നിശ്ചയിച്ചു….

നല്ല ജീവിതം കിട്ടട്ടെന്ന് പ്രാർത്ഥിച്ചു..

അച്ചൂന്റെ ഓരോ ആണ്ടിനും വരില്ലാന്ന് അറിഞ്ഞിട്ടും കൊറേ തിരഞ്ഞിട്ട് ണ്ട് ഞാനീ മുഖം… കാണരുതെന്ന് അപ്പഴും പ്രാർത്ഥിച്ചോണ്ടായിരുന്നു തിരഞ്ഞിരുന്നേ ന്ന് മാത്രം….

കണ്ടാ ചെലപ്പോ.. ചെലപ്പോ കൂടെ വേണം തോന്നും.. “”

ഉള്ളിലെ തേങ്ങൽ വീണ്ടുമൊരു കരച്ചിലിലേക്ക് എത്തി നിന്നു….
അതൊരു പൊട്ടികരച്ചിലാകാൻ അധികസമയം വേണ്ടിവന്നില്ല…

” ആരും ഇല്ലാണ്ടെ ഇവിടെഇങ്ങനെ നീറി ഇരിക്കുമ്പോ പലവട്ടം തോന്നീട്ട് ണ്ട് ഒക്കെ മതിയാക്കി പോയാലോന്ന്..
അന്ന് ന്നെ തടഞ്ഞത് ഉള്ളിലുള്ള ഈ വേദനേളൊക്കെ തന്നേണ്..

അവളെ കൊണ്ടോയ ആ ഒരുത്തനെ…
അവന്റെ അവസാനം ന്റെ കൈകൊണ്ടാകണം… അതിന് ഞാനിവിടെ വേണം…

അത് കഴിഞ്ഞ നിക്കൊന്നിനും പേടില്ല്യ..”

“നമ്മടെ മുന്നില് കാലം കുറച്ചേണ്ടാകൂ… അത് വരെ ഈ കണ്ണുകൾ നിറയാൻ പാടില്ല …
ന്റെ മുന്നിൽന്ന് എങ്കിലും….. ”

ഒരു അപേക്ഷപോലെ എന്നോടായി പറഞ്ഞത് കേട്ട് ഞാൻ കണ്ണുകൾ വലിച്ചുതുടച്ചു..

ആ കണ്ണുകൾ എന്നെ ഉറ്റുനോക്കി കൊണ്ടിരുന്നു..
അവശേഷിച്ച തേങ്ങലിനെയും ചുണ്ടിലെ പുഞ്ചിരിയാക്കാൻ ഞാൻ ശ്രമിച്ചു…

ആഴത്തിൽ എന്റെ കണ്ണുകളിലേക്ക് വീണമർന്ന ആ നോട്ടത്തിൽ പ്രണയവും വിരഹവും ഒരുപോലെ കലർന്നിട്ടുണ്ടെന്ന് ഞാനറിഞ്ഞു…..

മുഖത്താകമാനം ആ കണ്ണുകൾ പാഞ്ഞുനടന്നൊടുവിൽ എന്റെ കവിളിലായി ആ ചുണ്ടുകൾ അമർന്നു…

കണ്ണീരിന്റെ നനവുള്ള ആ ചുംബനം കവിളുകളെ ചുട്ടുപൊള്ളിക്കുന്നതായി തോന്നി…..

മുഖത്താകമാനം ആ ചുണ്ടുകൾ പാഞ്ഞുനടക്കുമ്പോൾ ഞാനാ ശരീരത്തെ അത്രമേൽ ചേർത്ത് പിടിച്ചു …

ഒടുവിൽ അടർന്നുമാറി
കൊണ്ട് മുറിവിട്ടുപോകാൻ ഒരുങ്ങുന്ന ദേവേട്ടന്റെ കൈ ഒരുവിങ്ങലോടെ ഞാൻ പിടിച്ചു.. .