❤️ദേവൻ ❤️part 16

Devan Part 16 | Author : Ijasahammed

[ Previous Part ]

 
കഥ തുടങ്ങുന്നതിനു മുൻപ് നിങ്ങളോടയി കുറച്ചു കാര്യങ്ങൾ പറയാൻ വേണ്ടി ആണ് ഇങ്ങനെ ഒരു എഴുത്ത് എഴുതുന്നത് ..

ഈ പാർട്ട്‌ മുതൽ കഥ എത്രത്തോളം നന്നാകും എന്ന് ഒരു നിശ്ചയവുമില്ല …
എന്തെങ്കിലും മിസ്റ്റേക്ക്കൾ വന്നാൽ പൊറുക്കുക ..

ദേവൻ എന്ന ഈ കഥയുടെ പിന്നിൽ നിങ്ങൾ ijasahammed എന്ന name ആയിരിക്കും കാണുന്നുണ്ടാകുക…

ഉള്ളിൽ ഇരുന്നിരുന്ന എഴുത്തിനെ പൊടിതട്ടി എഴുതാൻ പ്രോത്സാഹിപ്പിച്ച എന്റെ അനിയന്റെ പേര് തന്നെ കഥക്ക് പിന്നിൽ ഇരുന്നോട്ടേ എന്ന് കരുതിയാണ് ഇപ്പോഴും ആ പേര് മാറ്റാത്തത്…

By the by my name is shabna.. ?

കഥ അതിന്റെ അവസാനഘട്ടങ്ങളിലേക്ക് അടുത്ത് കൊണ്ടിരിക്കുമ്പോൾ പറയാമെന്നു കരുതി..

ഇന്ന് അത്രമേൽ പ്രിയപ്പെട്ട ഒരാളുടെ പിറന്നാൾ ആണ്… ❤️

ഉള്ളിൽ നിറഞ്ഞു കിടക്കുന്ന പ്രണയത്തിന്റെയും
ഒരിക്കൽ നിറഞ്ഞു കിടന്നിരുന്ന വിരഹത്തിന്റെയും ഒരേ ഒരു കാരണക്കാരൻ…

കുറച്ചെങ്കിലും പ്രണയം നിറഞ്ഞ ഈ വരികളെ എന്നിൽ എത്തിച്ചതിന് പിന്നിൽ അയാളുടെ പങ്ക് ചെറുതല്ല….

എത്ര വേണ്ടെന്ന് വെച്ചാലും ആഴത്തിൽ പടർന്നു കയറുന്ന ആ പ്രണയത്തിന്റെ ഓർമയിൽ നിന്നുമാണ് ഈ എഴുത്ത് ആരംഭിച്ചത്…

ഇത് പറയാൻ ഇതിലും മികച്ച മറ്റൊരു ദിവസം ഉണ്ടാകില്ലെന്ന് തോന്നുന്നു…

ഒരുപാട് സ്നേഹത്തോടെ കഥ തുടരുന്നു…

ഭാഗം 16

ആ നെഞ്ചിൽ പറ്റിചേർന്ന് കരയുമ്പോൾ ആ ഹൃദയം അത്രമേൽ ശബ്ദത്തോടെ അലറികരയുന്നതായി തോന്നി…
പണ്ടും ഈ നെഞ്ചിലേക്കായി ചായുമ്പോൾ ആ ഹൃദയത്തിന്റെ താളം എനിക്ക് ശരിക്ക് കേൾക്കാൻ കഴിഞ്ഞിരുന്നു… എന്നാൽ ഇത്രമേൽ ഭയാനകമായി അത് ശബ്ദിക്കുന്നത് ഞാൻ ആദ്യമായാണ് കേൾക്കുന്നത്..

ആശ്വാസവാക്കുകൾക്കൊന്നിനും തന്നെ ആ കണ്ണുനീരിനെ വിലക്കിനിർത്താൻ കഴിയില്ല