❤️ദേവൻ ❤️part 13 [Ijasahammed] 286

എന്തോ വീണു കിട്ടിയ പോലെ ഞാൻ
വേഗം മുകളിലേക്ക് ഓടിക്കൊണ്ട് കെ ട്ടുകളായി കൂട്ടിയിട്ടിരുന്ന പത്രക്കെട്ടുകൾ ഒന്നൊന്നായി എടുത്ത്കൊണ്ട് വന്നു 2016 ജൂൺ മുതൽക്കുള്ള പത്രങ്ങൾ തിരക്കി ഉമ്മറത്ത് ഞാനാ പത്രകെട്ടുകൾ നിരത്തി….

കെട്ടുകൾ അഴിച്ചു തിരച്ചിൽ തുടങ്ങിയതും അതിലെ പൊടി അടിച്ചു കൊണ്ട് തുമ്മിതുടങ്ങിയ എന്റെ ശബ്ദം കേട്ടുകൊണ്ട് ഉമ്മറത്തേക്ക് വന്നു നിന്ന അമ്മ പറഞ്ഞു,

“നീയ് എന്താ ഈ കാണിക്കണേ… എന്താ തെരയണേ… ആദ്യം ആ മുഖത്തു വെല്ല തുണികെട്ടൂ… പോത്ത് പോലെ വലുതായി.. ഇപ്പളും സാമാന്യബോധം വന്നിട്ടില്ല…. ”

പതിവ് ചീത്തപറയൽ തുടങ്ങിയ അമ്മയെ മൂക്ക് തുടച്ചു മുഖം ചുള്ക്കി നോക്കി കൊണ്ട് ഞാൻ തിരച്ചിൽ തുടർന്നു…

ഉള്ളിൽനിന്നൊരു ഷാൾ എടുത്തു കൊണ്ട് വന്നു മൂക്കും വായും പൊത്തി കൊണ്ട് കെട്ടിതന്നു അമ്മ പിന്നാമ്പുറത്തേക്ക് തന്നെ പോയി….

എത്ര തിരഞ്ഞിട്ടും ആ തീയതികളിലെ ഒരു പത്രവും കണ്ണിൽ കണ്ടില്ല…
അച്ചുവിനെ കുറിച്ചോ രോഹിത്തിന്റെ മരണത്തെ കുറിച്ചോ അന്നേ ദിവസത്തെ പത്രത്തിൽ വരാതിരിക്കില്ല…

അത് ആ സംഭവത്തെ കുറിച്ചൊരു രൂപരേഖ എനിക്ക് തരും എന്ന് തോന്നി കൊണ്ട് വീണ്ടും ഞാനാ പത്രങ്ങളിലേക്ക് കണ്ണ് പായിച്ചു..

ദീർഘനേരത്തെ പരിശ്രമത്തിനോടുവിൽ നിരാശപേറികൊണ്ട് ഉമ്മറത്തെ കസേരയിൽ ഇരിക്കുന്ന എനിക്ക് നേരെയായി അമ്മ നീട്ടിയ ആ പത്രകടലാസ്സ് എന്തെന്ന് അർത്ഥത്തിൽ ഞാൻ അമ്മയെ നോക്കി…

“നീയ് ഒരിക്കൽ ചോദിച്ചു വരും ന്ന് അറിയായിരുന്നു..അ തോണ്ട് എടുത്തുവെച്ചു…
അന്ന് നിന്നോട് പറയാൻ ശ്രമിച്ചില്ല …
വേണ്ടെന്ന് തോന്നി,

ന്നാ.. അന്ന് അവള് മരിച്ചേ പിറ്റേന്ന് വന്ന വാർത്തയാണ്… ”
എനിക്ക് നേരെ നീട്ടിയ ആ പത്രതാളിലേക്ക് ഞാനെന്റെ കണ്ണുകളെ പായിച്ചു…

പ്രണയ നൈരാശ്യം : സഹപാഠിയെ കൊലപ്പെടുത്തി ബിരുദവിദ്യാർത്ഥിനി ജീവനൊടുക്കി

ആ തലകെട്ടിന് കീഴിലെഴുതിപിടിപ്പിച്ച എല്ലാം സത്യംതെല്ലു തൊടാതെ എഴുതികൂട്ടിയതു മാത്രമാണെന്ന് മനസ്സിലാക്കാൻ എനിക്ക് അധികസമയം വേണ്ടിവന്നില്ല…