❤️ദേവൻ ❤️part 13 [Ijasahammed] 286

“ശിവാ… ന്നെ… ന്നെ ഇനീം നീ സ്വപ്നം കാണിക്കരുത്..
ജീവിക്കാൻകൊതിക്കും ചെലപ്പോ ഞാൻ… !!”

എന്റെ കൈപിടിച്ചു വിങ്ങി പൊട്ടാൻ വെമ്പികൊണ്ട് ഇടറുന്ന ശബ്ദത്തിൽ പതുക്കെ പറഞ്ഞു ..

ഒലിച്ചിറങ്ങിയ കണ്ണ്നീർ ഞാൻ കൈവിരൽ കൊണ്ട് തുടച്ചതും

പൊട്ടി കരഞ്ഞുകൊണ്ട് ഞാനാമുഖം നെഞ്ചിൽ ചേർത്തണച്ചു പിടിച്ചു…

ഏട്ടനും കരയുകയായിരുന്നു…

ഒടുവിൽ ആ മുഖം വീണ്ടും കയ്യിലെടുത്തു കൊണ്ട് കണ്ണിലേക്കു നോക്കി നിന്നു വിതുമ്പി..

” വേണം നിക്ക്… ”

മനസ്സിൽ നിന്നെന്ന പോൽ ആ വാക്കുകൾ ദേവേട്ടൻ ഉരുവിടുമ്പോൾ മനസ്സിലൊരു കുളിരു വീണെങ്കിലും എന്ത്കൊണ്ടോ എന്റെ കരച്ചിലിന്റെ ആക്കം കൂടി…

“പക്ഷേ .. “”

വീണ്ടും എന്തോ പറയാൻ തുനിഞ്ഞദേവേട്ടന്റെ ചുണ്ടിൽ ഞാൻ കൈവച്ച് കൊണ്ട് വേണ്ടെന്ന് തലയാട്ടി..

കണ്ണിലേക്കു ഉറ്റുനോക്കി കൊണ്ട്
ചുണ്ടുകളിൽ നിന്നും ദേവേട്ടൻ കൈ പതുക്കെ നീക്കി മാറ്റി…

മെല്ലെ ആ മുഖത്തേക്ക് മുഖം അടുപ്പിച്ചു കൊണ്ട് ഞാനാ ചുണ്ടുകളിൽ ചേർന്നലിഞ്ഞു..

എന്നെ അത്രമേൽ ചേർത്ത് പിടിച്ചുകൊണ്ടിരുന്ന ദേവേട്ടനെ അതിലും ശക്തിയായി ഞാൻ ചേർത്ത്പിടിച്ചുകൊണ്ട് ആഴങ്ങളിലേക്കെന്നപോലെ ഊഴിയിട്ടു..

ഒലിച്ചിറങ്ങിയ കണ്ണുനീരിന്റെ ഉപ്പുരുചി ചുണ്ടിലാകെ പടർന്നു…

എല്ലാത്തിനും സാക്ഷിയായി ആ കുളം ഇരുട്ടിൽ പ്രകാശിക്കുന്നതായി തോന്നി..

(തുടരും…. )