❤️ദേവൻ ❤️part 13 [Ijasahammed] 286

“ഞാനാഗ്രഹിക്കുന്നത് നിങ്ങടെ സ്നേഹവോ..
എന്റെ സമാധാനമോ ഒന്നും അല്ലാ…

അത് ആയിരുന്നെങ്കിൽ എനിക്ക് പണ്ടേ ആകാമായിരുന്നു..
ഇല്ലാതെ പറ്റില്ലെന്ന് തോന്നിയോണ്ടാ പിന്നേം പിന്നേം പട്ടിയെ പോലെ പിന്നാലെ വരണേ..

പറ്റുവെങ്കിൽ ആ താലിചരട് എനിക്ക് തന്നേക്കൂ..
ഒരിക്കൽ വച്ച്നീട്ടി കൊതിപ്പിച്ച ആ താലിചരട് മാത്രമേ ഞാൻ ചോദിക്കുന്നുള്ളൂ…

അത് മാത്രം… !!””

പറഞ്ഞുനിർത്തിയതും ദേവേട്ടൻ എഴുന്നേറ്റു…

“നെനക്ക് പറഞ്ഞാൽ മനസ്സിലാകില്ല…
അങ്ങനെ ഒരു താലി നിന്റെ കഴുത്തിൽ കൊടുന്നിട്ടാൽ അതിന് അധികം ആയുസ്സ് കാണില്ല….
മനസ്സിലാക്കിക്കോ…. “”

ഒരു മുന്നറിയിപ്പെന്നപോലെ എന്നിലേക്ക് നെയ്തുവിട്ട ആ വാക്കുകൾ മനസ്സിനെയും ശരീരത്തെയും ഒരുപോലെ പൊള്ളിച്ചു…

തിരിഞ്ഞ് നടന്നുകൊണ്ട് ഏട്ടൻ തുടർന്നു..

“ഒരു പക്ഷെ ഞാൻ കാത്തിരിക്കുന്നവൻ തന്നെയാകും എന്റെയും കാലൻ…

അന്ന് നീ അറിയാത്ത വേറെ ചിലതുകൂടെയുണ്ടായിട്ടുണ്ട്…

നമ്മൾ തിരയുന്നതും തേടിപിടിക്കാൻ നോക്കുന്നതും വെറുമൊരു റേപ്പ് കേസിലെ പ്രതിയെ അല്ല…

രണ്ട് പേരെ ഒരേ രാത്രിയിൽ കൊന്നൊടുക്കിയ ഒരു ക്രിമിനലിനെയാണ്…

ഒന്നും മനസ്സിലാക്കാനാകാതെ ഞാൻ പുരികം ചുളിച്ചത് കണ്ട് ഏട്ടൻ തുടർന്നു..