✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 828

വർക്കി അത്രയും പറഞ്ഞ ശേഷം വേഗത്തിൽ കൈ പൊക്കി കയ്യിലിരുന്ന ആ കത്തി തന്റെ സ്വന്തം കഴുത്തിൽ വച്ച് ഒറ്റ വലി ….. പെട്ടെന്നുള്ള ആ കാഴ്ച കണ്ട് ആദിയും ഞെട്ടി ചെയറിൽ നിന്നെണീറ്റു ….

കഴുത്തിൽ നിന്നും രക്തം വാർന്ന് വർക്കി നിലത്തേക്ക് വീണ് മരണ വെപ്രാളത്താൽ കിടന്ന് പിടയാൻ തുടങ്ങി …. ആദിയാകട്ടെ അദ്യമായി അത്തരം കാഴ്ച കാണുന്ന പോലെ ഞെട്ടിത്തരിച്ച് നിന്നു പോയി …. അവൻ വേഗം വർക്കിയുടെ അടുത്ത് ചെന്ന് അയാളുടെ അടുത്ത് മുട്ട് മടക്കിയിരുന്നു …..

” അങ്കിളെ ….. അങ്കിളെ ….”

ആ ഞെട്ടലിൽ അവൻ അയാളെ നോക്കി വിളിച്ചു വർക്കിയാകട്ടെ ആദിയുടെ മുഖത്തേക്ക് നോക്കി കാലുകളിട്ടടിച്ചു … പതിയെപ്പതിയെ അതിന്റെ വേഗത കുറഞ്ഞ് അയാളുടെ ശരീരം നിശ്ചലമായി ……

                      ********************

അവിനാഷ് ടെൻഷൻ കാരണം ടേബിളിന് പുറത്ത് കുപ്പിയിലിരുന്ന മദ്യം വീണ്ടും വീണ്ടും ഗ്ലാസ്സിലാക്കി ഒഴിച്ച് കുടിച്ചു …. അപ്പോഴേക്കും ഫോണിലെ സംസാരം നിർത്തി ജെറിയും അവിടേയ്ക്കെത്തി ….

ഉടനെ അവിനാഷിന്റെ ഫോൺ റിങ്ങ് ചെയ്തു , അവൻ വേഗം കോൾ അറ്റന്റ് ചെയ്ത് ചെവിയിൽ വച്ചു …. കോളിന്റെ മറുവശത്തുള്ളയാൾ പറയുന്ന കാര്യങ്ങൾ കേട്ട് അവിനാഷിന്റെ മുഖത്തെ ഭയം ഓരോ നിമിഷവും വർദ്ധിച്ചു കൊണ്ടിരുന്നു . അവന്റെ മുഖത്ത് കൂടി വേഗത്തിൽ വിയർപ്പ് കണങ്ങൾ ഒഴുകിയിറങ്ങാൻ തുടങ്ങി , തൊണ്ട വരണ്ടു പോകുന്ന പോലെ കൈകാലുകൾ തളർന്ന് പോകുന്ന പോലെ ….