✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 831

കാല് കൊണ്ട് ഒരു ചെറിയ പിടച്ചിൽ മാത്രമേ ചരണിൽ നിന്ന് ഉണ്ടായുള്ളൂ , അവന്റെ കഴുത്ത് രണ്ടായി പിളർന്ന് രക്തം വാർന്നൊഴുകാൻ തുടങ്ങി …. ജബ്ബാറിതെല്ലാം ഭയത്തോടെ നോക്കിയിരിക്കുകയായിരുന്നു , തന്റെ മരണവും പ്രതീക്ഷിച്ച് ….

ശേഷം ആദി നിലത്ത് ബോധമറ്റ് കിടക്കുന്ന മുത്തുവിന്റെ തല പിടിച്ച് ഉയർത്തിയ ശേഷം അവന്റെ കഴുത്തിലും ചരണിന്റെ രക്തം പുരണ്ട ആ കറ്റാന ചേർത്ത് വച്ചു .

” നീ പറഞ്ഞ് ശരിയാ ജബ്ബാറേ ….. കേട്ടിട്ടില്ലേ വാളെടുത്തവൻ വാളാലെന്ന് ….. കാലചക്രം എനിക്കും മാപ്പ് തരില്ല , പക്ഷെ എനിക്കിത് ചെയ്യാതിരിക്കാനും കഴിയില്ല ….. ”

ആദി അത്രയും പറഞ്ഞു കൊണ്ട് മുത്തുവിന്റെ കഴുത്തിൽ ചേർത്ത് വച്ച ആ വാൾ താഴ്ത്തി വലിച്ചു …. അബോധ അവസ്ഥയിലും അവൻ പ്രാണൻ പോകുന്നതിന് മുൻപ് ഒന്ന് പിടഞ്ഞു …. ശേഷം ആദി അവനെയും നിലത്തേക്കിട്ട ശേഷം ജബ്ബാറിനടുത്തേക്ക് നീങ്ങി …

” നീ പറഞ്ഞത് പോലെ , ഒരു നാൾ ഞാനും ഏതെങ്കിലുമൊരു വാളിൻ മുനയിൽ തീരുമായിരിക്കും . പക്ഷെ ഒരു വ്യത്യാസം …. ആ സമയം , ആ അവസാന സമയത്തും എന്റെ മുഖത്ത് മരണ ഭയം ഉണ്ടാകില്ല , മരണത്തെ ഓർത്ത് ഞാൻ നിലവിളിക്കില്ല പേടിക്കില്ല കരയില്ല …. പകരം എന്റെ മുഖത്ത് ഒരു പുഞ്ചിരിയായിരിക്കും , പുഞ്ചിരിയോടെ ഞാൻ എന്റെ മരണത്തെ സ്വീകരിക്കും ഒരു ഭയവും കൂടാതെ …. കാരണം എന്റെ ജീവനെടുക്കാൻ എനിക്ക് മാത്രമേ അവകാശമുള്ളൂ , ഞാൻ വിജാരിക്കുമ്പൊ മാത്രമേ ഞാൻ മരിക്കുകയുമുള്ളൂ …”