✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 828

ജബ്ബാറിന് തന്റെ ഒരു കൈ തന്നെ ധാരാളമായിരുന്നു എതിരാളിയെ നേരിടാൻ . ശ്വാസം കിട്ടാതെ ആദി അയാളുടെ കയ്യിൽ കിടന്ന് പിടഞ്ഞു , അവൻ തന്റെ രണ്ട് കൈ ഉപയോഗിച്ചിട്ടും തന്റെ കഴുത്തിലൂടെ കിടക്കുന്ന ജബ്ബാറിന്റെ കയ്യിൽ അൽപ്പം പോലും അയവ് വരുത്താൻ കഴിഞ്ഞില്ല .

ജബ്ബാറ് തന്റെ കയ്യുടെ പിടിത്തം ഓരോ നിമിഷവും കൂട്ടിക്കൊണ്ടിരുന്നു …..

” ടാ ….. വാടാ ….. ”

ജബ്ബാർ ചരണിനെ നോക്കി ഉച്ചത്തിൽ വിളിച്ചു .

ചരൺ പരവേശത്തോടെ ചുറ്റും നോക്കി , നിലത്ത് കിടന്ന ഒരു തുരുമ്പ് പിടിച്ച കമ്പിക്കഷ്ണം കയ്യിലെടുത്ത് അവൻ ആദിയെ കുത്താനായി മുന്നോട്ട് പാഞ്ഞു …. ശ്വാസം കിട്ടാതെ ജബ്ബാറിന്റെ കയ്യിൽ കിടന്ന് പിടഞ്ഞ ആദി തന്റെ നേരെ വരുന്ന ചരണിനെ കണ്ടതും വേഗത്തിൽ ചാടി ഉയർന്ന് കാല് മടക്കി ജബ്ബാറിന്റെ കാൽ മുട്ടിലേക്ക് ആഞ്ഞ് ചവിട്ടി . ബാലൻസ് നഷ്ടമായ ജബ്ബാറ് വീഴനായി പോയതും ആദിയുടെ കഴുത്തിലെ പിടിയും ഒന്ന് അയഞ്ഞു …..

ആ സമയം ആദി തന്റെ രണ്ട് കൈ കൊണ്ടും ജബ്ബാറിന്റെ കഴുത്തിൽ മുന്നിൽ നിന്ന് പുറകോട്ട് ചുറ്റിപ്പിടിച്ചു കൊണ്ട് ചാടി ഉയർന്ന് തന്നെ കുത്താനായി തന്റെ നേരെ വന്ന ചരണിന്റെ നെഞ്ചിലേക്ക് ആഞ്ഞ് ചവിട്ടി …..

ചവിട്ടു കൊണ്ട ചരൺ ഒരു മൂലയിലായി പഴയ സാധങ്ങൾ കൂട്ടിയിട്ടിരുന്നതിനിടയിലേക്ക് തെറിച്ചു വീണു .

ചരണിനെ ചവിട്ടി തള്ളിയിട്ട ശേഷം ജബ്ബാറിന്റെ കഴുത്തിലെ പിടിവിട്ട് ആദി നിലത്ത് ചാടി നിന്നതും ജബ്ബാറ് ഒന്ന് പുറകോട്ടാഞ്ഞ് ചുവരിൽ ചെന്നിടിച്ച് നിന്നു .