✮കൽക്കി࿐ (ഭാഗം – 30) അദ്ധ്യായം 3 – ആരംഭം , വിച്ചു [ചെകുത്താനെ സ്നേഹിച്ച മാലാഖ ] 399

” വിട് മോളെ മേല് അപ്പിടി അഴുക്കാ …. മോളുടെ തുണി ചീത്തയാകും . ”

” അത് സാരമില്ല , ന്റെ അമ്മയല്ലേ …. ”

പാറു അതും പറഞ്ഞ് തന്റെ കെട്ടിപ്പിടിത്തം ഒന്ന് കൂടി മുറുക്കി ..

” പാറൂട്ടീ …. ”

ആ വിളി കേട്ട് പാറു പിടിത്തം വിട്ട് തിരിഞ്ഞ് നോക്കിയതും ….

” ആഹ് …. അമ്മാമ്മേ ….. ? അമ്മാമ്മ ഇതെപ്പൊ എത്തി … ഇന്നലെ വിളിച്ചപ്പൊ അമ്മ ഒന്നും പറഞ്ഞില്ല …. ”

അവൾ അമ്മാമ്മയുടെ അടുത്ത് ചെന്നു കൊണ്ട് ചോദിച്ചു ….

” ഞാൻ ഇന്ന് രാവിലെ എത്തിയതേ ഉള്ളൂ മോളെ …. മോള് വിശേഷം പറഞ്ഞ് നിൽക്കാതെ ഈ ബാഗ് ഇറക്കി വച്ചിട്ട് ഒന്ന് കുളിക്ക് എന്നിട്ട് വല്ലതും കഴിക്ക് എന്നിട്ട് സംസാരിക്കാം , നല്ല യാത്രാക്ഷീണമുണ്ട് മുഖത്ത് …. ”

” ഓക്കെ …. എന്നാൽ പിന്നെ അങ്ങനെയാകട്ടെ …. അമ്മാ ഫുഡ് ടേബളിലെടുത്തോ ഞാൻ കുളിച്ചിട്ട് ഇപ്പൊ വരാം …. ”

പാറു അതും പറഞ്ഞ് വീടിനകത്തേയ്ക്ക് ഓടി ….

പാറുവിന്റെ അച്ഛൻ മുകുന്ദനെ കാണാതായിട്ട് വർഷം പത്ത് കഴിഞ്ഞു , അയാൾ സഞ്ചരിച്ച ബസ് പുഴയിലേക്ക് മറിയുകയായിരുന്നു . മൃതശരീരം കിട്ടിയില്ലെങ്കിലും വർഷങ്ങൾ കഴിഞ്ഞിട്ടും മടങ്ങി വരാതായപ്പോൾ എല്ലാവരെയും പോലെ പാറുവും വിശ്വസിച്ച് തുടങ്ങി തന്റെ അച്ഛൻ മരിച്ചു കാണും എന്ന് …. അമ്മയായിരുന്നു അവളുടെ ലോകം , അവർക്ക് തന്റെ മകളും . പിന്നെ ഇടയ്ക്കിടയ്ക്ക് തങ്ങാൻ വീട്ടിലേക്ക് വരുന്ന വാസുകി എന്ന തന്റെ അമ്മാമ്മയുമായി അവൾ നല്ല കൂട്ടാണ് …….

കുളി കഴിഞ്ഞ് ഭക്ഷണമൊക്കെ കഴിച്ച് , പാടവരമ്പത്തുകൂടി ഒന്ന് ചുറ്റിയടിച്ച് നാട്ടിലെ കൂട്ടുകാരെ ഒക്കെ കണ്ടിട്ട് വന്നപ്പോഴേയ്ക്കും നേരം സദ്യയായിരുന്നു , ഉമ്മറത്തിരുന്ന് നാമം ജപിക്കുന്ന അമ്മാമ്മയുടെ അടുത്ത് അൽപ്പനേരം ഇരുന്ന ശേഷം പിന്നെ എല്ലാവരും കൂടി ടി വി കാണലിൽ മുഴുകി ….

വാസുകി മോളുടെ വീട്ടിലേക്ക് വരുമ്പോൾ കൊച്ചുമകളായ പാർവ്വതിയുടെ മുറിയിലാണ് രാത്രി ഉറക്കം ….

” ആഹ് മോള് വായനയിലാണോ …. അമ്മാമ്മ ഒന്ന് കിടക്കട്ടെ , മേലാസകലം വേദന എടുക്കുന്ന പോലെ … അധികനേരം ഉറക്കമിളക്കണ്ടട്ടോ പാറു … ”

” മ് …. ശരി അമ്മാമ്മേ …. ”

പാറു അതും പറഞ്ഞ് ആ ഡയറിയിലക്ക് തന്നെ നോട്ടം പായിച്ചു , അതിൽ നിന്ന് എന്തെങ്കിലും ക്ലൂ കിട്ടുമോ എന്നറിയാനായി ….

” നാഗവംശം , ഇന്ദ്രജാലക്കല്ല് …. എന്നാലും ഈ ഇന്ദ്രജാലക്കല്ല് എന്തിന് വേണ്ടിയാ …. ”

പാറു ആത്മഗതം പോലെ സ്വയം പറഞ്ഞു , പക്ഷെ അതൊരൽപ്പം ഉറക്കെയായിപ്പോയെന്ന് മാത്രം .

” ഇന്ദ്രജാലക്കല്ലോ ? ….. മോളോട് ആരാ ഇപ്പൊ ഇന്ദ്രജാലക്കല്ലിനെപ്പറ്റി പറഞ്ഞത് …. ! ”

കണ്ണടയ്ച്ച് കിടക്കുന്നതിനിടയിലും ആ വാക്ക് കേട്ട വാസുകി പാറുവിനോട് ചോദിച്ചു .

” അത് , അമ്മാമ്മയ്ക്ക് ഇന്ദ്രജാലക്കല്ലിനെപ്പറ്റി എന്തെങ്കിലും അറിയാമോ …. ? ”

പാറു സംശയത്തോടെ ചോദിച്ചതും …

” അതൊക്കെ ഓരോരോ പഴങ്കഥകളാ പാറൂട്ടീ ….. ”

” എന്ത് കഥ …..? ”

പാറു ഒരു ഞെട്ടലോടെ അതും ചോദിച്ച് ഡയറി അടച്ചുവെച്ച ശേഷം അമ്മാമ്മയുടെ അടുത്ത് കട്ടിലിൽ ചെന്നിരുന്നു ….