✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1271

പെട്ടെന്ന് ഒരു ഞെട്ടലോടെ ദക്ഷ ഉറക്കത്തിൽ നിന്ന് ഞെട്ടി ഉണർന്ന് ബെഡിൽ എഴുന്നേറ്റിരുന്നു ഒരു തരം ഭയം നിറഞ്ഞ പരവേശത്തോടെ ,

‘ ഞാനിതെന്തൊക്കെയാ സ്വപ്നം കാണുന്നത് ? അതും എന്തിന് … ?

ഇന്ന് ക്ഷേത്രത്തിൽ വച്ച് ആദിത്യനാഥ് അവരെ തല്ലി ഒതുക്കുന്നത് കണ്ടപ്പോ വലിയമ്മയ്ക്ക് മുപ്പത് വർഷം മുൻപ് നടന്ന സംഭവങ്ങൾ ഓർമ്മ വന്നു എന്ന് പറഞ്ഞു , അതും ചേകവർ മനയിലെ ശേഖരൻ നമ്പിയുടെ ഫൈറ്റും ആദിയുടെ ഫൈറ്റും തമ്മിൽ സിമിലാരിറ്റി ഉണ്ടെന്ന് .

മാത്രമല്ല ആ ചേകവർ മനയിലെ താക്കോൽ കൂട്ടം ആദിയുടെ കയ്യിൽ എങ്ങനെ വന്നു , അതിലെ ആ കുതിരയുടെ ചിത്രം എങ്ങനെ എന്റെ സ്വപ്നത്തിൽ വന്നു ….

എന്തായാലും ഒന്ന് ഉറപ്പ് ആ ആദിത്യനാഥും ചേകവർ മനയുമായി എന്തോ ബന്ധം ഉണ്ട് അതുറപ്പ് , കണ്ടുപിടിക്കണം എല്ലാം …. ‘

മനസ്സിൽ ഉറപ്പിച്ചു കൊണ്ട് ദക്ഷ ചിന്തിച്ചിരുന്നു , എന്തൊക്കെയോ ഉത്തരങ്ങൾ മനസ്സിൽ തെളിഞ്ഞു വന്നത് പോലെ …..

                    ……………………..

അടുത്ത ദിവസം , അവന്തികയുടെ മുറി ….

കുളിച്ച് റെഡിയായി കണ്ണാടിക്ക് മുന്നിൽ നിൽക്കുകയായിരുന്നു അവൾ . പെട്ടെന്നാണ് ചാരിയിട്ട തന്റെ റൂമിലെ വാതിൽ തുറക്കുന്ന ശബ്ദം കേട്ട് അവൾ തിരിഞ്ഞ് നോക്കിയത് ….

” ആഹ് ദക്ഷേച്ചീ വാ …. അല്ല ചേച്ചി എങ്ങോട്ടാ റെഡിയായി …? ”

അവളെ കണ്ടതും അവന്തിക സംശയത്തോടെ ചോദിച്ചു …

” അതൊക്കെയുണ്ട് , പറയാം …. ”

ഒരു പുഞ്ചിരിയോടെ പറഞ്ഞു കൊണ്ട് ദക്ഷ അകത്തേയ്ക്ക് കയറി അവന്തികയുടെ അടുത്തായി വന്നു ….

അവിടെ റ്റേബിളിന് പുറത്തിരിക്കുന്ന ആ താക്കോൽ കൂട്ടം കണ്ടതും ദക്ഷ അത് കയ്യിലെടുത്തു , അതിനിടയിൽ ആ ചെമ്പ് തകിടിൽ ഒന്ന് തൊട്ടതും അവളുടെ തലച്ചോറിലൂടെ പെട്ടെന്ന് പല ദൃശ്യങ്ങളും മിന്നി മറഞ്ഞു പോയി , അത് ഇന്നലെ രാത്രി കണ്ട ആ സ്വപ്നം തന്നെയായിരുന്നു …. ഒരു ഞെട്ടലോടെ അവൾ ആ ഇരുമ്പ് തകിട് തിരിച്ചും മറിച്ചും നോക്കി , ഒപ്പം അതിൽ പതിപ്പിച്ചിരിക്കുന്ന ആ ചിത്രത്തിലേക്കും ….. ഒടുവിൽ എന്തോ സംശയം തോന്നിയ അവൾ ആ ചെമ്പ് തകിടിന്റെ രണ്ട് വശത്തുമായി പിടിച്ച് ശക്തിക്ക് വലിച്ചു … അവന്തിക അത് കാണുന്നുണ്ടായിരുന്നു …