✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1269

അടി കൊണ്ടവൾ ഒരു കറക്കം കറങ്ങിക്കൊണ്ട് നിലത്തേയ്ക്ക് മലർന്നടിച്ച് വീണു , ഒപ്പം അവളുടെ നെറ്റി പൊട്ടി രക്തം ഒഴുകാൻ തുടങ്ങിയിരുന്നു ….
ശേഷം അവൻ അവളുടെ മുന്നിൽ മുട്ട് മടക്കി ഇരുന്നു , ദേഷ്യം കൊണ്ട് രക്തവർണ്ണമായ കണ്ണുകളോടെ ……

ദൂരത്ത് നിന്ന് ഇതൊക്കെ കണ്ടു കൊണ്ട് നിന്ന ആദിയുടെ മനസ്സ് വേഗത്തിൽ മാസങ്ങളോളം പുറകോട്ട് സഞ്ചരിച്ചു .

‘ ഒടുവിൽ അവന്റെ കണ്ണുകളിൽ തെളിഞ്ഞു വന്നത് അവളുടെ മുഖമാണ് , തന്റെ അനുജത്തി അനുവിന്റെ മുഖം . ഭ്രാന്തിയെപ്പോലെ അലറിക്കരയുന്ന അവളുടെ മുഖം , ഇരുട്ടിൽ മുറിക്കകത്ത് ഒരു മൂലയിൽ ഭയത്തോടെയിരിക്കുന്ന അവളുടെ മുഖം , തന്നെ കാണുമ്പോൾ ഭയം വർദ്ധിക്കുന്ന ഇരുട്ടിൽ ഒളിക്കാൻ ശ്രമിക്കുന്ന ആ മുഖം , കരഞ്ഞ് തളർന്ന് ക്ഷീണിച്ച മുഖം , ഒടുവിൽ ജീവനറ്റ് ഒരു തുണിക്കഷ്ണത്തിൽ തൂങ്ങിയാടി നിൽക്കുന്ന അവളുടെ മുഖം , അവസാനം ചിത കത്തിക്കുന്നതിന് മുൻപ് താൻ അവസാനമായി കണ്ട അവളുടെ മുഖം – ജീവനറ്റ നിസ്സഹായയായ തോറ്റോടിയവളുടെ അല്ല ആരൊക്കെയോ ചേർന്ന് തോൽപ്പിച്ച അവളുടെ മുഖം …… ‘

അവന്റെ മനസ്സിലൂടെ കണ്ണുകളിലൂടെ അപ്പൊ കടന്ന് പോയത് തന്റെ അനുജത്തിയുടെ നിസ്സഹായത നിറഞ്ഞ മുഖം മാത്രമായിരുന്നില്ല പകരം എന്നോ താൻ പകുതി വഴിക്ക് ഉപേക്ഷിച്ച തന്റെ തന്ന മറ്റൊരു മുഖം , രക്തവർണ്ണമാർന്ന കണ്ണുകളും ആരെയും ഭയപ്പെടുത്തുന്ന മരണത്തിന്റെ പുഞ്ചിരി നിറഞ്ഞതുമായ ആ മുഖം , തന്റെ ഉള്ളിൽ ഒളിച്ചിരിക്കുന്ന മറ്റൊരാളുടെ മുഖം .