✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1271

പക്ഷെ ഒരു സംശയം ബാക്കി , ഈ താക്കോൽ എങ്ങനെ അവിടെ ?

കുഞ്ഞു പറഞ്ഞത് വച്ച് തല്ലിനിടയിൽ അവരുടെ കയ്യിൽ നിന്ന് വീണതാണെങ്കിൽ ഉറപ്പ് ഒരിക്കലുമിത് ആ നാശം പിടിച്ച ജഗന്റെ കയ്യിൽ നിന്ന് വീണതാകാൻ വഴിയില്ല . പിന്നെ ഉള്ള ഒരേ ഒരു വഴി ഇന്ന് തല്ലുണ്ടാക്കിയ ആ അജ്ഞാതനാകാനാണ് . അയാളുടെ കയ്യിൽ നിന്ന് വീണതാണെങ്കിൽ ഉറപ്പ് ഈ താക്കോലുമായി അയാൾക്കെന്തോ ബന്ധമുണ്ട് , അതായത് ചേകവർ മനയുമായി . ഇനിയും ഒരു പാട് ദൂരം പോകാനുണ്ട് , എന്തായാലും ആദ്യം ചേകവർ മന അത് കഴിഞ്ഞ് ബാക്കി ….

അപ്പൊ ശരി ചേച്ചി ഗുഡ് നൈറ്റ് ….. ”

അവന്തിക അത്രയും പറഞ്ഞ ശേഷം മുറി വിട്ട് പുറത്തിറങ്ങി ……

അവൾ പറഞ്ഞതൊക്കെ കേട്ടതും ദക്ഷയുടെ മനസ്സിൽ ഒത്തിരി സംശയങ്ങൾ പൊന്തി വന്നു …

‘ ചേകവർ മനയുമായി ആദിത്യനാഥിനെന്താ ബന്ധം . അയാൾ എന്തിനാ ഈ നാട്ടിലേക്ക് എത്തിയത് , അതും ആ താക്കോൽ കൂട്ടം . ഒന്നും ചേരുന്നില്ലല്ലോ ……. ‘

മനസ്സിൽ ഒത്തിരി സംശയങ്ങളുമായി ദക്ഷ തന്റെ ബെഡിൽ നിന്നിറങ്ങി , ഉള്ള സമാധാനം കൂടി പോയതു പോലെ …. അവൾ തന്റെ മുറിയിൽ നിന്ന് പുറത്തേക്കിറങ്ങിയ ശേഷം സ്റ്റെപ്പിറങ്ങി താഴേക്ക് നടന്നു .

നടുമുറ്റത്തെ വരാന്തയിലായി പുറത്തേക്കിരുന്ന ശേഷം അവൾ ആകാശത്തിലേക്ക് നോക്കി . പൂർണ്ണ ചന്ദ്രൻ ഉദിച്ച് നിൽക്കുകയാണ് ഒപ്പം ചുറ്റിലും ഒത്തിരി നക്ഷത്രങ്ങളും .

ഒരു പുഞ്ചിരിയോടെ അവൾ മാനത്തേക്ക് നോക്കിയിരുന്നു …. പെട്ടെന്നാണ് അവളുടെ തോളിൽ ഒരു കൈ വന്ന് പതിച്ചത് . ഒരു ഞെട്ടലോടെ ദക്ഷ പെട്ടെന്ന് തിരിഞ്ഞ് നോക്കി …