✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1270

അവന്തിക ആകാംഷയോടെ പറഞ്ഞു …

” അവന്തികേ നീ ഒറ്റയ്ക്കാണോ പോകുന്നേ ? ”

” അതെ …. ”

” നിനക്ക് പേടിയില്ലേ ഒറ്റയ്ക്ക് പോകാൻ ….? ”

ദക്ഷ സംശയത്തോടെ ചോദിച്ചു …..

” പേടിച്ച് നിന്നാൽ ഒന്നും ചെയ്യാൻ കഴിയില്ല ചേച്ചീ … എന്റെ ഏറെ നാളായിട്ടുള്ള ആഗ്രഹമാ , ഓർമ്മ വച്ച നാൾ മുതൽ ഈ നാടിനെപ്പറ്റി കേട്ടറിഞ്ഞ കാര്യങ്ങൾ അതിൽ എന്തെങ്കിലും സത്യമുണ്ടോ എന്നെനിക്കറിയണം . ഞാനീ കോഴ്സ് പഠിക്കാൻ തിരഞ്ഞെടുത്തതു പോലും അതിനു വേണ്ടിയാ ….. പക്ഷെ എല്ലാത്തിനും ഒരു തുടക്കം വേണ്ടെ അത് തിരയുവായിരുന്നു ഇത്രയും നാൾ …. ദാ ഇപ്പൊ കിട്ടി … ”

അവന്തിക ഒരു പുഞ്ചിരിയോടെ പറഞ്ഞു ….

അതൊക്കെ കേട്ടതും ദക്ഷ ഒരൽപ്പ സമയം ചിന്തിച്ചിരുന്നു …..

” ചേച്ചീ എന്നാ ഞാനും റൂമിലോട്ട് പോട്ടെ …. നേരം വൈകി ചേച്ചി ഉറങ്ങാൻ നോക്ക് …. ”

അവന്തിക അത്രയും പറഞ്ഞ ശേഷം ബെഡിൽ നിന്നിറങ്ങി പുറത്തേയ്ക്ക് പോകാൻ തുനിഞ്ഞതും ,

” അവന്തികേ …. ഈ താക്കോൽ അത് ആ മനയുടേതാണെന്ന് തോന്നാൻ കാരണമെന്താ ? ”

ദക്ഷ സംശയത്തോടെ ചോദിച്ചു …..

” അതിന്റെ ഉത്തരം കൂടിയാ ചേച്ചീ ഈ തകിടിലെ ചിത്രം , യുണീകോൺ . ഞാൻ പറഞ്ഞില്ലേ ചേകവർ മന പണ്ട് ഈ വൈകുണ്ഡ പുരിയിലെ
പത്താമത്തെ വലിയ തറവാടായിരുന്നു എന്ന് . അതുപോലെ അവർ പരദേവതയായി കണ്ടിരുന്നതും ആ അവതാരത്തെ തന്നെയാ , ഇനിയും അവതരിക്കാത്ത മഹാവിഷ്ണുവിന്റെ കൽക്കി അവതാരത്തെ , അതിന്റെ പ്രതീകമായി കണ്ടിരുന്നത് ഈ ഒറ്റക്കൊമ്പുള്ള കുതിരയേയും
‘ ദി റിയൽ യുണീക്കോൺ ‘ .