⚔️ദേവാസുരൻ⚒️s2 ep9[DeMon☠️kiNg] 3632

?75?

രുദ്രൻ കുഞ്ഞപ്പനെ നോക്കി ഉറക്കെ പറഞ്ഞു….

കുഞ്ഞപ്പന് ദേഷ്യം അടക്കുവാൻ സാധിച്ചില്ല…. അവനൊരു ഇരുമ്പ് വടി എടുത്ത്  രുദ്രന്റെ അടുത്തേക്ക് ഓടി…. ശേഷമവന്റെ തല നോക്കി ആഞ്ഞു വീശി…….

അത് ഉന്നം പിഴക്കാതെ കൃത്യം രുദ്രന്റെ തലക്ക് തന്നെ കൊണ്ടു…… കമ്പി അവന്റെ ദേഹത്ത് കൊണ്ടപ്പോ അതിന്റെ ശബ്ദം പുറത്തു വന്നിരുന്നു…. പക്ഷെ രുദ്രന് ഒന്നും പറ്റിയില്ല…… കട്ടിയുള്ള കമ്പി കഷ്ണം കൊണ്ട് തലയിൽ അടിച്ചിട്ട് കൂടി അവന്റെ ദേഹത്ത് നിന്നും ഒരു തുള്ളി രക്തം പോലും വന്നില്ല……

കുഞ്ഞപ്പൻ വീണ്ടും അവന് നേരെ ആ കമ്പി ഓങ്ങി…. പക്ഷേയത് ദേഹത്ത് കൊള്ളും മുന്നേ രുദ്രനത് കൈപ്പിടിയിലാക്കിയിരുന്നു….

കുഞ്ഞപ്പൻ വലിക്കാൻ നോക്കിയിട്ട് പോലും രുദ്രന്റെ കയ്യിൽ നിന്നും ആ കമ്പി അനങ്ങിയില്ല…. രുദ്രൻ തന്റെ മുന്നിൽ നിൽക്കുന്ന കുഞ്ഞപ്പന്റെ നെഞ്ച് നോക്കി ആഞ്ഞു ചവിട്ടി….. അവൻ അവിടെ നിന്നും ദൂരേക്ക് തെറിച്ചുപോയി വീണു…..

രുദ്രൻ കുഞ്ഞപ്പന്റെ കൂട്ടാളികളെ നോക്കികൊണ്ട് കോപത്തോടെ അവന്റെ കയ്യിലുള്ള  കമ്പി വളരെ നിസ്സാരമായി വളച്ചു ദൂരേക്കെറിഞ്ഞു….

ഇതേ സമയം സ്വബോധം വന്ന അവരെല്ലാം രുദ്രനെ കൊല്ലുവാനായി മുന്നിലേക്ക് പാഞ്ഞു…..
അവരുടെ വരവ് കാക്കാതെ രുദ്രനും അവിടേക്ക് പാഞ്ഞു…..

ആദ്യം അവന് മുന്നിലെത്തിയത് 3 പേരായിരുന്നു…. അവനവരുടെ മൂന്നുപേരുടെയും വയറിൽ ബലത്തിൽ പിടിച്ച് പുറകിലേക്ക് തള്ളിക്കൊണ്ടുപോയി….

ജെല്ലിക്കെട്ടിന് കളത്തിൽ ഇറങ്ങിയ ഒരു കാളയെ പോലെ…. പിന്നിലൂടെ വന്നവരെ എല്ലാം തട്ടി സൈഡിലേക്ക് തെറിപ്പിച്ച ശേഷം രുദ്രൻ ആ മൂന്നുപേരെയും ഭിത്തിയിൽ കൊണ്ടുപോയി ഇടിച്ചു വീഴ്ത്തി….

ആ സമയം തന്നെ വേറെ ഒരുത്തൻ ഒരുമര കസാര കൊണ്ട് പുറകിൽ നിന്നും അവന്റെ തലക്കടിച്ചു….  അവന്റെ തലയിലാ കസാര വന്ന് കൊണ്ടതും അത് തവിടുപൊടിയായി……
രുദ്രൻ വേഗം തിരിഞ്ഞുകൊണ്ട് അയാളുടെ കാൽ മുട്ടിലേക്ക് ആഞ്ഞു ചവിട്ടി….

ആ ചവിട്ട് കൊണ്ടതും അവന്റെ കാലൊടിഞ്ഞു തൂങ്ങി… ഒപ്പം അയാളുടെ നിലവിളിയും അവിടെ ഉയർന്നു…. രുദ്രനവരെ ഒരു ഒരത്തേക്ക് തള്ളി വീഴ്ത്തി അടുത്തതായി വരുന്ന തന്റെ എതിരിയെ മലർത്തിയടിച്ച് അവന്റെ ചങ്കിലേക്ക് മുഷ്ട്ടി മടക്കി ശക്തിയിലടിച്ചു….

ആ അടി കിട്ടിയപ്പോൾ തന്നെ അയാളുടെ വായിൽനിന്നും രക്തം പുറത്തേക്ക് ചീറ്റിയിരുന്നു….

പിന്നീട് അടുത്തതായി ഒരാൾ കഠാര കൊണ്ട് അവന്റെ വയറിലേക്ക് വീശിയപ്പോൾ രുദ്രൻ നിമിഷനേരം കൊണ്ടത് കയ്പ്പിടിയിലാക്കി കൈ മടക്കിയൊടിച്ച് ആ കത്തി അയാളുടെ വയറിലേക്ക് തന്നെ കേറ്റി…..

വേദന സഹിക്കവയ്യാതെ അയാൾ അലറി കരയുകയായിരുന്നു….. രുദ്രനാ കത്തി ഊരി എടുത്ത് അവന്റെ കഴുത്തിലേക്ക് ഒരു കുത്ത് കൊടുത്തപ്പോ ആ അലർച്ചെയും നിലച്ചു…..

രുദ്രൻ അയാളുടെ കഴുത്തിൽ നിന്നുമാ കത്തി വലിച്ചൂരി തനിക്കടുക്കലേക്ക് ഓടി പാഞ്ഞു വരുന്ന ഒരുവന്റെ നേരെ വേഗത്തിൽ എറിഞ്ഞു…. അത് കൃത്യം പോയി അവന്റെ തലയിൽ തന്നെ തറച്ചു കയറിയിരുന്നു….

ഓടി വന്ന അതെ വേഗത്തിൽ അവൻ ബോധമറ്റ് കീഴെ വീണു…..
അടുത്തതായി വന്നവൻ രുദ്രനുനേരെ വടിവാൾ വീശിയപ്പോൾ അവനതിൽ നിന്നും വേഗത്തിൽ ഒഴിഞ്ഞു മാറി അവന്റെ പുറകെ വന്നവന്റെ കഴുത്തിൽ പിടിച്ച് രണ്ട് ഭാഗത്തേക്ക്‌ എറിഞ്ഞു….. ശേഷം ആ വടിവാൾ പിടിച്ചവന്റെ തലയിലേക്ക് രണ്ട് കയ്കൊണ്ട് ഒരുമിച്ചടിച്ചു…..

ആ അടി കൊണ്ടതും അവന്റെ തല ചതഞ്ചരഞ്ഞു തെറിച്ചുപോയി….. അവൻ ജീവനറ്റ് വീഴുന്നതിന് മുമ്പ് ആ വടിവാൾ രുദ്രൻ കരസ്തമാക്കിയിരുന്നു…….

അവനത്കൊണ്ട് അടുത്തതായി വന്ന ഒരുവന്റെ കാലും ഒരുവന്റെ കയ്യും അറുത്തെടുത്തു……

ജീവനോടെ ബാക്കിയുള്ളത് വളരെ കുറച്ചുമാത്രം….. അവരിൽ പലരും പാതി ജീവനിൽ മരണം കാത്തു കിടക്കുന്നു….. മറ്റു ചിലർ അവനടുത്തേക്ക് ആയുധം കൊണ്ട് പോകുവാൻ മടിച്ചു നിൽക്കുന്നു….

പക്ഷെ ആരെയും കാത്തു നിൽക്കുവാൻ രുദ്രൻ തയ്യാറായിരുന്നില്ല….. അവൻ സംഹാരത്തിന്റെ മൂർത്തീ ഭാവം സ്വീകരിച്ചു കഴിഞ്ഞിരുന്നു…..