⚔️ദേവാസുരൻ⚒️s2 ep9[DeMon☠️kiNg] 3631

?69?

അത് കണ്ടതും മുരുകൻ ഒന്നും തന്നെ ആലോചിക്കാതെ ആ മുറിയിൽ നിന്നും പുറത്തേക്ക് നടന്നു……

പെട്ടെന്ന്……

‘”””” ഡേയ്…….
എന്നടാ പാത്ത് കിട്ട് ഇറുക്കീങ്കെ……
പുടിടാ അവനെ………..'”””

മുരുകൻ പോകുന്നത് കണ്ട വിനായകൻ ഉറക്കെ വിളിച്ചുപറഞ്ഞു…..

ഇവിടെ എന്താണ് നടക്കുന്നതെന്ന് മനസ്സിലാവാതെനിന്ന വിനായകന്റെ 20തോളം വരുന്ന കൂട്ടാളികൾ ഒരു പോരിനെന്ന പോലെ എഴുന്നേറ്റ് നിന്നു…..

ഒപ്പം അതിലെ ഒരു 6 പേർ മുരുകൻ പോയ ദിശയിലേക്ക് ഓടി…..
പുറത്ത് അതി ശക്തമായ കാറ്റും മഴയും ആർത്തുലച്ചു പെയ്യുകയാണ്……….
ആ കാറ്റിന്റെ ബലത്താൽ മുരുകൻ  കവാടം കടന്ന് പുറത്തെത്തിയതും ആ കെട്ടിടത്തിലെ എല്ലാ വാതിലുകളും ജനാലകളും ഒരേ സമയം ഒരു വലിയ ശബ്ദത്തോടെ അടഞ്ഞു…..

കവാടങ്ങൾ എല്ലാം അടഞ്ഞതോടെ അതിനുള്ളിൽ നിറഞ്ഞിരുന്ന വെളിച്ചം ഇരുട്ടായി മാറി…..

അന്ധകാരം അവിടെ ഉള്ള ഇരുപതോളം മൃഗങ്ങളുടെ കാഴ്ചയെ മറച്ചപ്പോൾ അവരുടെ എല്ലാം ജീവൻ അപഹരിക്കുവാനായി വന്ന കാലന് മാത്രം എല്ലാം വളരെ വ്യക്തമായി കാണുവാൻ സാധിച്ചു…..

പലരിലും പെട്ടെന്ന് ഉണ്ടായ അമ്പരപ്പ്…. പേടി…. പിന്നെ അടഞ്ഞ വാതിൽ തുറക്കുവാൻ ഉള്ള വെപ്രാളം…..

എത്ര ശ്രമിച്ചിട്ടും ആ വാതിലുകൾ തുറക്കുവാൻ സാധിക്കുന്നില്ല….. അതാരോ കുറ്റിയിട്ട പോലെ ആയിരുന്നു…..

പെട്ടെന്നാ കെട്ടിടത്തിലെ എല്ലാ ലൈറ്റുകളും  ഒരേ സമയം പ്രകാശിച്ചു…..അന്ധകാരം വിഴുങ്ങിയിരുന്ന ആ ഇടത്ത് പ്രകാശം കുമിഞ്ഞു കൂടി…..

ഇപ്പോൾ അവിടെ രുദ്രനും ആ ആളുകളും മാത്രം…….

എതിരെ അപകടകാരികളായ 20 തണ്ടും തടിയുമുള്ള ഗുണ്ടകൾ ആണെന്ന് അറിഞ്ഞിട്ട് കൂടി രുദ്രന്റെ കണ്ണുകളിൽ ഭയം വന്നില്ല….
ആ കണ്ണുകളിൽ എരിയുന്ന തീയാണ് ഉള്ളത്…. എല്ലാവരെയും ചുട്ട് ചാമ്പലാക്കാൻ ശേഷിയുള്ള പകയുടെ കാട്ട് തീ……

‘””” ആരാടാ നീ………
ഞങ്ങളുടെ ഇടത്ത് അനുവാദം പോലും ചോദിക്കാതെ കയറിവരാൻ നിനക്കെങ്ങനെ ധൈര്യം വന്നടാ………..'””””

അവിടെ നിന്ന കുഞ്ഞപ്പന്റെ ഗുണ്ടാ സങ്കത്തിലെ ഒരുവൻ രുദ്രനെ നോക്കി ചോദിച്ചു……

ആ നിൽക്കുന്നത് ഇന്ദ്നാണെന്ന് തെറ്റ് ധരിച്ച രണ്ടുപേർ കുഞ്ഞപ്പനും വിനായകനും മാത്രമാണ്…. ബാക്കി അവിടെ നിൽക്കുന്ന ആർക്കും അതാരാണെന്ന് ഒരു ഊഹവും ഇല്ലായിരുന്നു……
കുഞ്ഞപ്പനും വിനായകനും ഒന്നും തന്നെ മിണ്ടിയില്ല….. അവർ കാത്തത് രുദ്രന്റെ മരണം മാത്രമാണ്……

പെട്ടെന്ന് രുദ്രന്റെ ചുണ്ടുകളിൽ ഒരു വല്ലാത്ത ചിരി വിടർന്നു…..
ഒരു തരം ഭ്രാന്തമായ ചിരി…..
അവന്റെ കൃഷ്ണമണികൾ രക്തത്തിന്റെ നിറമാകുവാൻ തുടങ്ങി…..

‘”” നിന്ന് കിണിക്കാതെ നീ ആരാണെന്ന് പറയടാ…….'”””

രുദ്രന്റെ മുഖത്തെ ചിരി കണ്ട് ഇഷ്ടപ്പെടാതെ അവിടെ ഉള്ള ഒരുവൻ വിളിച്ചു ചോദിച്ചു…..