⚔️ദേവാസുരൻ⚒️s2 ep9[DeMon☠️kiNg] 3631

💀39💀

എന്നാൽ ആ ബാലിക ചുറ്റിനും ഭീതിയോടെ നോക്കിയാണ് അവനൊപ്പം ചെന്നത്…. കാരണം അവളെ അടിമയാക്കിയവർ അവൾക്കൊപ്പം തന്നെ ഉണ്ടായിരുന്നു….

💀💀💀💀💀💀💀💀💀💀💀💀💀

ഇന്ദ്രനെ കാത്തു നിൽക്കുന്ന സമയം എപ്പോഴോ പാറുവിന്റെ കണ്ണുകൾ ആ ബാലിക പോയ ഇടത്തേക്ക് ചലിച്ചു ….

അവൾ തന്റെ ഭിക്ഷ തേടുന്ന പാത്രവും പിടിച്ചുകൊണ്ടു കുറച്ചപ്പുറെ നിന്നിരുന്ന ഒരുവന്റെ അടുക്കലേക്ക് പോകുന്നത് പാർവതി കണ്ടു…..

അയാൾ പുറം തിരിഞ്ഞു നിന്നത് കൊണ്ട് അതാരാണെന്ന് അവൾക്ക് മനസ്സിലായിരുന്നില്ല………

ആ കുഞ്ഞ് അയാളുടെ കയ്യിൽ പതിയെ തോണ്ടുന്ന ദൃശ്യം പാറു കണ്ടു….. അപ്പോഴാണ് അവിടെ നിൽക്കുന്നത് രുദ്രൻ ആണെന്ന സത്യം പാറു മനസ്സിലാക്കിയത് തന്നെ…..

കോപം കൊണ്ട് വിറഞ്ഞു തുള്ളി നിൽക്കുന്ന അവന്റെ ഭാവം കണ്ടപ്പോൾ ദൂരെ നിൽക്കുന്ന പാറുവിന് പോലും പേടി തോന്നി…. അതിലേറെ ഭയം അവന് മുന്നിൽ പെട്ട ആ പാവം കുട്ടിയെ ഓർത്തായിരുന്നു……

‘””” ഇന്ദു…….
ഇന്ദു…… ദേ അയാൾ അവളെ കൊല്ലും….
അങ്ങോട്ട് നോക്ക്……'”””

പാറു ഭയത്തോടെ പുലമ്പി പറഞ്ഞു……

‘””” ആരാ ചേച്ചി……'””

പാറു പറഞ്ഞതൊന്നും മനസ്സിലാവാതെ ഇന്ദു ചോദിച്ചു……

‘””” ദേ അങ്ങോട്ട് നോക്കടി…….'”””

പാറു വേഗം അവളുടെ തല തിരിച്ച് രുദ്രൻ നിൽക്കുന്ന ഇടം കാണിച്ചു കൊടുത്തു…..
ഇന്ദു അവിടേക്ക് സൂക്ഷിച്ചു നോക്കി….

‘”””  അത് രുദ്രട്ടൻ അല്ലെ……
അയ്യോ…. ദേ ഏട്ടന് മുന്നിൽ ആ കുട്ടി……'”””

അവിടത്തെ കാഴ്ച കണ്ട് ഇന്ദുവും ഭയത്തോടെ പറഞ്ഞു…..

‘”” ഇന്ദു വേഗം വാടി……
ഇല്ലേൽ അയാൾ അതിനെ കൊല്ലാനും മടിക്കില്ല……'”””

പാറു ഭയത്തോടെ പറഞ്ഞു……..

‘”””” വേണ്ട ചേച്ചി…. ആ മുഖം കണ്ടിട്ട് എനിക്ക് തന്നെ പേടി ആവുന്നു…..'”””

ഇന്ദു അവന്റെ ആ രൗദ്ര ഭാവം കണ്ടുകൊണ്ട് പറഞ്ഞു…..

‘””” എടി അപ്പൊ ആ കുട്ടിയുടെ അവസ്ഥയോ…. നീ ഇല്ലെങ്കിൽ വേണ്ടാ…. ഞാൻ പോകുവാ……'”””

അതും പറഞ്ഞു അവിടേക്ക് തിരിഞ്ഞപ്പോഴാണ് ആ കുരുന്നിനോട് സ്നേഹത്തോടെ സംസാരിക്കുന്ന രുദ്രന്റെ മറ്റൊരു മുഖം പാറു കണ്ടത്……

അവൾ പോലും അറിയാതെ ആ കാലുകൾ നിശ്ചലമായി നിന്നുപോയി………

അല്പം നിമിഷം മുന്നേ കണ്ട രുദ്രന്റെ മുഖമേ അല്ലായിരുന്നു അത്….

ഇത്ര സൗമ്യമായി അവനെ പാറു  വളരെ കുറച്ചു തവണ മാത്രമാണ് കണ്ടിട്ടുള്ളു……..
അല്പം കൂടെ കഴിഞ്ഞപ്പോൾ അവൻ ആ കുരുന്നിനു മുന്നിൽ മുട്ട് കുത്തി നിന്ന് സന്തോഷത്തോടെ സംസാരിക്കുന്നത് അവർ കണ്ടു…..

അന്നാധദ്യമായി രുദ്രന്റെ ചിരിക്കുന്ന മുഖം അവർ ഇരുവരും കണ്ടത്…….
അവന്റെ മുഖത്തിന്‌ അത്ര ചൈതന്യം ആയിരുന്നു ആ സമയം…..

പാറുവിന് അവനിൽ നിന്നും കണ്ണെടുക്കുവാൻ പോലും സാധിച്ചില്ല…. എല്ലാം മറന്നുള്ള അവന്റെ ആ ഉള്ള് തുറന്നുള്ള ചിരിക്ക് ഏഴു പൂർണ്ണ ചന്ദ്രൻമാർ ഉദിച്ചു നിൽക്കുന്ന അത്ര ഭംഗി ഉണ്ടായിരുന്നു….

രുദ്രൻ ആ കുഞ്ഞിന്റെ കൈ പിടിച്ച് അവിടെ നിന്നും പോകുന്നത് വരെ അവർ ഇരുവരും കണ്ണെടുക്കാതെ  നോക്കി നിന്നു…..

‘””” ചേച്ചി…….'”””

ഇന്ദു പതിയെ അവളെ വിളിച്ചു….

‘””” ഹ്മ്മ്….???..'””

പാറു മൂളുക മാത്രം ചെയ്തു….

‘””” ആ പോയത് രുദ്രേട്ടൻ തന്നെ ആണോ……'””

ഇന്ദു റിലെ പോയ പോലെ ചോദിച്ചു…..

‘””” അത് തന്നെ ആടി ഞാനും നോക്കുന്നത്….
ഇയാള് ദേവനാണോ…. അതോ അസുരനാണോ…….'”””