⚔️ദേവാസുരൻ⚒️s2 ep9[DeMon☠️kiNg] 3630

💀7💀

ലക്ഷ്മിയമ്മ പറഞ്ഞു……

‘”” ആഹ…. ഇത്രേ ഉള്ളോ…. അതൊക്കെ ഞാൻ ഏറ്റു….. ‘”””

ഇന്ദ്രൻ അത്രയും പറഞ്ഞുകൊണ്ട് വേഗം കോണിപ്പടികൾ ഓടികയറി…..

അവൻ നേരെ ചെന്നത് പാറുവിന്റെയും ഇന്ദുവിന്റെയും മുറിക്കു മുന്നിലേക്ക് ആണ്….
അടച്ചിട്ടിരിക്കുന്ന കതവിലേക്ക് ഇന്ദ്രൻ രണ്ട് തട്ട് തട്ടി……

“”” ആരാ…….??'””

ഉള്ളിൽ നിന്നും പാറു ഉറക്കെ ചോദിച്ചു…..

‘””” ഹലോ…. നാഗവല്ലി അല്ലെ…….'””

ഇന്ദ്രൻ കതവിന് പുറത്ത് നിന്ന് വിളിച്ചു ചോദിച്ചു…..
അത് കേട്ടപ്പോ ഉള്ളിൽ നിന്നും ഇന്ദുവിന്റെയും പാറുവിന്റെയും അടക്കി പിടിച്ചുള്ള ചിരി പുറത്തേക്ക് കേൾക്കാമായിരുന്നു…..

‘””” വല്ലി അല്ലടാ…. നീലി…. കള്ളിയം കാട്ട് നീലി…..'””

പാറു അകത്ത് നിന്ന് ചിരി അടക്കി പിടിച്ചുകൊണ്ടു വിളിച്ചുപറഞ്ഞു….

‘””” നീലയോ പച്ചയോ എന്ത് വേണേൽ ആയിക്കോ…. വേഗം വന്നില്ലേൽ യക്ഷികൾ രണ്ടും ബസ് പിടിച്ച് അങ്ങ് വരേണ്ടി വരും….'””

ഇന്ദ്രൻ ഉറക്കെ വിളിച്ചു പറഞ്ഞു…. അതിന് ഉള്ളിൽ നിന്നും ഒരു നീട്ടി ഓ വിളിയും മറുപടിയായി കിട്ടി…..

ഇന്ദ്രൻ അടുത്തതായി നേരെ പോയത് രുദ്രന്റെ മുറിക്കു മുന്നിലേക്ക് ആയിരുന്നു…

ഒരു നാലു തട്ട് തട്ടിയപ്പോൾ തന്നെ രുദ്രൻ വാതിൽ തുറന്നു….

ഷർട്ടൊന്നും ധരിക്കാതെ ഒരു പാന്റ് മാത്രം ഇട്ടാണ് അവൻ നിന്നിരുന്നത്….. ചുണ്ടിൽ എരിഞ്ഞുകൊണ്ടിരിക്കുന്ന ഒരു സിഗരറ്റിന്റെ കുറ്റിയും ഉണ്ടായിരുന്നു…..
ഇന്ദ്രൻ വേഗം അനുവാദം പോലും ചോദിക്കാതെ ആ മുറിയിലേക്ക് കയറി….

‘””” ടാ ഇന്ദ്രാ….. ഞാൻ പറഞ്ഞിട്ടുണ്ട് ഇതിനുള്ളിൽ കേറരുത് എന്ന്…..'””

അവനകത്തേക്ക് പോയത് കണ്ട് രുദ്രൻ ദേഷ്യത്തോടെ പറഞ്ഞു…..

‘””” ഓ പിന്നെ……
അവന്റെ ഒരു ജാഡ….. ഒന്ന് പോയെടാ വധൂരി….'””

ഇന്ദ്രൻ അവൻ പറഞ്ഞത് കാര്യമാക്കാതെ പറഞ്ഞു…. ശേഷം ആ മുറി ഒക്കെ ഒന്ന് ചുറ്റി നോക്കി….

‘””” നീ എന്തിനാ ഇപ്പൊ ഇവടെ വന്നത്… അത് പറ…..'””

രുദ്രൻ അവനോട് ചോദിച്ചു….

‘””” ഓ…. അത്ര വലിയ കാര്യത്തിനൊന്നും അല്ല….. നിന്നെ ഒന്ന് അമ്പലത്തേക്ക് കൊണ്ടുപോവാൻ ആണ്…..'””

ഇന്ദ്രൻ മുഖവര ഇല്ലാതെ കാര്യം മൊഴിഞ്ഞു…..

‘””അമ്പലത്തേക്കോ…. എന്തിന്…..??'””

രുദ്രൻ ചോദിച്ചു…..

‘””അമ്പലത്തേക്ക് എന്തിനാ പോകാറ്…
അതിന് തന്നെ…..'”””

ഇന്ദ്രൻ പറഞ്ഞു….

‘”” ഞാൻ ഇല്ല…….'”””

രുദ്രൻ ഒറ്റ വാക്കിൽ മറുപടി പറഞ്ഞു…..

‘”” അതെന്താ നീ ഇല്ലാത്തെ….??'””

ഇന്ദ്രൻ ചോദിച്ചു…..

‘”” വരുന്നില്ല…. അത്ര തന്നെ….'””

‘””” അതിന് ഒരു കാരണം വേണമല്ലോ….'””

ഇന്ദ്രൻ ചോദിച്ചു….

💀8💀

‘””” ഞാൻ കുളിച്ചിട്ടില്ല…. അതുകൊണ്ട് വരുന്നില്ല…. കാരണം കിട്ടിയല്ലോ……'”

രുദ്രൻ അവനോട് അല്പം കടുപ്പത്തിൽ മറുപടി പറഞ്ഞു…..

‘”” ടാ…. വെറുതെ കള്ളം പറയാൻ നിൽക്കണ്ടാ…. രാവിലെ കളരി അഭ്യസിപ്പിക്കാൻ പോകുമ്പോ നീ കുളിച്ചേ ഇറങ്ങു എന്ന് എനിക്ക് നന്നായി അറിയാം….'””

ഇന്ദ്രൻ പറഞ്ഞു…..

‘”” നിനക്കിപ്പോ എന്തിനാ എന്നെ അമ്പലത്തിൽ കൊണ്ടുപോയിട്ട്….. ഞാൻ വരുന്നില്ലന്ന് പറഞ്ഞില്ലേ……. “”

രുദ്രൻ അവനോട് കോപത്തോടെ പറഞ്ഞു….

”””” എടാ എല്ലാരും പോകുന്നുണ്ട്….
നീ കൂടെ വന്നാൽ എല്ലാവർക്കും സന്തോഷമാവും…..'””

ഇന്ദ്രൻ അവനോട് പറഞ്ഞു…..

‘””” ഞാൻ ഇല്ലടാ….
എനിക്ക് പറ്റില്ല…. നിങ്ങൾ പൊയ്ക്കോ…..'”””

രുദ്രൻ അവനോട് പറഞ്ഞു….

‘””” എന്താടാ ഇത്…..
നീ എന്താ ഇങ്ങനെ….. ഈ വീട്ടിലെ എല്ലാവരും ഇപ്പൊ പഴയ പോലെ ആയി…. എന്നിട്ടും നീ മാത്രം….. ഞങ്ങളോട് പോലും അന്യന്മാരെ പോലെ ആണ് നീ ഇപ്പൊ ഇടപഴകുന്നത്……'”””

ഇന്ദ്രൻ അവനോട് ചോദിച്ചു…..

‘””” ശരിയാണ്….. നിങ്ങൾ ഒക്കെ ഇപ്പോൾ പഴയ പോലെ ആവാൻ തുടങ്ങി…. ഈ വീട്ടിൽ മങ്ങിപ്പോയ ആ പഴയ വെളിച്ചം ഇപ്പോൾ തിരിച്ചു വരുവാൻ തുടങ്ങി….. കാലം എല്ലാ മുറിവും ഉണക്കും എന്ന് പറയുന്നത് എത്ര ശരിയാണ്…. അല്ലെ ഇന്ദ്രാ…..'”””

ഇന്ദ്രൻ തന്റെ ചുണ്ടിലെ അവസാന സിഗരറ്റിൻ പുകയും വലിച്ച് പുറത്തുവിട്ടുകൊണ്ട് പറഞ്ഞു…..

‘”””” മുറിവ് എന്നും മുറിവ് തന്നെ ആടാ…..
കുഞ്ഞിയെ മറക്കുവാൻ ആർക്കും സാധിക്കില്ല…. ഇപ്പൊ ഈ വീട്ടിൽ കാണുന്ന സന്തോഷത്തിൽ പങ്ക് ചേരാൻ അവൾ കൂടെ ഉണ്ടായിരുന്നെങ്കിൽ എന്ന് ഞങ്ങൾ എല്ലാവരും ആഗ്രഹിക്കുന്നുണ്ട്…. പക്ഷെ അതൊരിക്കലും നടക്കില്ലല്ലോ….. നീ എല്ലാം മറന്ന് സന്തോഷത്തോടെ ജീവിക്കുന്നത് കാണുവാൻ ആഗ്രഹിക്കുന്നവരാ ഇവിടുള്ള എല്ലാവരും…..'””

ഇന്ദ്രൻ പറഞ്ഞു നിർത്തി…..

‘””” ഹ ഹ ഹ ഹ ഹ…….
മറക്കാനോ…… എല്ലാം മറക്കാനോ…..
അങ്ങനെ പറ്റി എങ്കിൽ ഞാനാവും ഈ ലോകത്തെ ഏറ്റവും വലിയ ഭാഗ്യശാലി….
പക്ഷെ ഞാൻ ജീവിക്കുന്നത് തന്നെ ഓർമകളിൽ ആണ് ഇന്ദ്രാ….. അതിൽ നിന്നും ഒരു തിരിച്ചുവരവ് എനിക്കുറപ്പുള്ള കാര്യമല്ല…..'”””