⚔️ദേവാസുരൻ⚒️s2 ep9[DeMon☠️kiNg] 3632

കുഞ്ഞപ്പൻ ഒഴികെ ആരും തന്നെ ആ രൂപത്തെ കണ്ട് ഞെട്ടിയിരുന്നില്ല….

അവരുടെ എല്ലാം ഉള്ളിലെ ചോദ്യം ഒന്ന് മാത്രമാണ്……
ആരാണ് അവൻ….

അവൻ നോക്കുന്ന നോട്ടത്തിലും അവന്റെ മുഖത്ത് കാണുന്ന ഭാവത്തിലും ഒന്ന് മാത്രമേ അവർക്ക് കാണുവാൻ സാധിച്ചിരുന്നുള്ളു…..

പക….

ആരെ ഒക്കെയോ കൊല്ലുവാൻ ഉള്ള പക…..

‘””” ഡേയ് മുരുകാ…….
യാര് ടാ ഇത്…….???'””

വിനായകൻ വന്നവൻ ആരെന്ന് മനസ്സിലാവാതെ മുരുകനോട് ചോദിച്ചു….. പക്ഷെ മുരുകനിൽ നിന്നും ഒരു മറുപടിയും വന്നില്ല….

അവൻ പൂർണ്ണമായും നിശബ്ദനായിരുന്നു….

‘””” കുഞ്ഞപ്പാ…..
എന്നടാ ഇത്….. ഇവൻ ഏൻ പേസാമ ഇറുക്കാ…..യാറിന്ത പരദേശി…….'””

വിനായകൻ കുഞ്ഞപ്പനോട് ചോദിച്ചു…. അപ്പോഴും കുഞ്ഞപ്പന്റെ കണ്ണ് അവനിൽ തന്നെ ആയിരുന്നു…. അവർക്ക് മുന്നിൽ നിൽക്കുന്ന ആ അപരിചിതനിൽ…..

കുഞ്ഞപ്പൻ തന്റെ കയ്യിൽ ഉള്ള ഫോൺ വിനായകന് നേരെ നീട്ടി…. അവനെന്താണ് ഉദ്ദേശിക്കുന്നതെന്ന് മനസ്സിലാവാതെ വിനായകൻ അതെടുത്ത് നോക്കിയപ്പോൾ അതിൽ കണ്ടത് ഒരു വള വിൽക്കുന്ന കടയുടെ മുന്നിൽ ഇന്ദുവിന്റെ ഒപ്പം നിൽക്കുന്ന ഇന്ദ്രന്റെ പടമാണ്…..

അത് കണ്ടപ്പോൾ തന്നെ വിനായകന് ഒന്ന് മനസ്സിലായി….. തങ്ങൾക്ക് മുന്നിൽ നിൽക്കുന്നവൻ ഇന്ദ്രൻ ആണെന്ന്….

പക്ഷെ സത്യത്തിന് കടുപ്പവും ബലവും കൂടുതലാണെന്ന സത്യം അവർ അറിഞ്ഞിരുന്നില്ല…..

കാരണം അവിടെ നിൽക്കുന്നത് അവരുടെ കണ്ണിൽ ഇന്ദ്രൻ ആവാം…. പക്ഷെ സത്യത്തിന്റെ കണ്ണിൽ ആ രൂപത്തിന് ഒരേ ഒരു പേരെ ഉള്ളു…….

“” രുദ്രൻ…..'”

വിനായകൻ കുഞ്ഞപ്പനെ ഒന്ന് നോക്കി…..

‘””” ഡേയ് കുഞ്ഞപ്പാ……
ഇവൻ എപ്പുടി ടാ ഇങ്കെ വന്താ……???'”””

വിനായകൻ പതിഞ്ഞ സ്വരത്തിൽ ചോദിച്ചു….

‘””” അറിയില്ല അണ്ണാ……
ആ മണ്ടൻ മുരുകൻ അവന്റെ കയ്യിൽ പെട്ടെന്നാ തോന്നുന്നേ…….'”””

കുഞ്ഞപ്പൻ പറഞ്ഞു……

‘”” ആണാ അവൻ ഏൻ പേസാമ ഇറുക്കാ…..
പുടിച്ചിട്ട് വന്ത മാതിരി തെരിയലയെ…..
കൂട്ടിട്ട് വന്ത മാതിരി താനേ ഇറുക്ക്……..??'””

വിനായകൻ സംശയത്തോടെ ചോദിച്ചു……

‘””” കഴിവേറിയുടെ മോൻ കാശ് വാങ്ങി കാണും അണ്ണാ…..അവന്റെ മോന്ത കണ്ടാ അറിയില്ലേ നല്ല കാശ് ഉള്ള ഇടത്തെ ആണെന്ന്……'”””

കുഞ്ഞപ്പൻ മുരുകന്റെ മുഖത്തേക്ക് കോപത്തോടെ നോക്കികൊണ്ട് ദേഷ്യത്തിൽ പറഞ്ഞു…..

അപ്പോളും മുരുകന്റെ ഭാവത്തിൽ പ്രത്യേകിച്ച് ഒരു മാറ്റവും വന്നിരുന്നില്ല….. അവനിപ്പോഴും ഒരു അടിമയെ പോലെ രുദ്രന്റെ പക്കൽ നിൽക്കുകയാണ്……

പെട്ടെന്ന് മുരുകൻ രുദ്രനെ നോക്കി….
യജമാനൻ കൽപ്പിക്കുന്നത് എന്തെന്ന് അറിയുവാൻ  നായ നോക്കുന്ന അതെ ഭാവത്തിൽ…..
ആ നോട്ടത്തിന് ഉത്തരം നൽകിയത് രുദ്രൻ ചെറുതായി തലയൊന്ന് അനക്കി കാണിച്ചുകൊണ്ട് ആയിരുന്നു…..