⚔️ദേവാസുരൻ⚒️s2 ep9[DeMon☠️kiNg] 3632

?55?

അയാളുടെ ആ മുഖം നോക്കുവാൻ പോലും അവൾക്ക് ഭയം തോന്നി…. അവൾ തല താഴ്ത്തി മൗനമായി നിന്നു….. മുരുകൻ അടങ്ങാത്ത കലിയുമായാണ് അവൾക്ക് മുന്നിൽ നിന്നിരുന്നത്….. അവൻ ചിന്നുവിന്റെ മുടിക്കുത്തിനു പിടിച്ച് താഴ്ന്നു കിടന്ന് തല ഉയർത്തിപ്പിച്ചു…

‘”””” ആഹ്……. അമ്മേ…….
വിട്…… ക്ക് വേദനിക്കുന്നു……..'”””

അയാൾ ആ മുടിക്കുത്തിനു പിടിച്ചപ്പോൾ വേദന സഹിക്ക വയ്യാതെ അവൾ ഉറക്കെ നിലവിളിച്ചു…..

‘””” ചിലക്കാതെ നിക്കടി തേവിടിച്ചിക്ക് ഉണ്ടായവളെ…….
പിച്ച എരക്കാൻ വിട്ടാൽ കണ്ടവന്റെ ഒപ്പം പോവാൻ ആണോടി നിന്നെ പഠിപ്പിച്ചേ……'”””

മുരുകൻ  ദേഷ്യത്തോടെ ചോദിച്ചു……

‘””” ആ ഏട്ടൻ കഴിക്കാൻ വാങ്ങി തരാൻ കൂട്ടികൊണ്ട് പോയതാ……'”””

ചിന്നു കരഞ്ഞുകൊണ്ട് പറഞ്ഞു…..

‘””” വോ….. കഴിക്കാൻ……
അതിന് അവന്റെ ഒപ്പം അവടെ ഒക്കെ പോയി തിന്നാലെ നിന്റെ വയറു നിറയത്തുള്ളോടി…..'””

മുരുകൻ ചോദിച്ചു……

‘””” ഒത്തിരി വിശന്നത് കൊണ്ടാണ് ചേട്ടാ…..
വയറു കത്തുന്ന പോലെ ഉണ്ടായിരുന്നു……'”””

അവൾ അവനെ നോക്കി ദയനീയമായി പറഞ്ഞു…….

‘””” വിശന്നാൽ നീ ചത്തൊന്നും പോവില്ലല്ലോ…..
ഇനി പോയാലും എന്താടി…. നായ ചത്താൽ ആരെങ്കിലും ശ്രദ്ധിക്കുമോ…..
ഇനി മേലിൽ ഇത് പോലെ ആരെങ്കിലും കഴിക്കാൻ വിളിച്ചാൽ  കൂടെ പോയേക്കരുത്…… “”””

മുരുകൻ താക്കീത് പോലെ വിരൽ ചൂണ്ടി പറഞ്ഞു….. അതിനവൾ ഒന്ന് തലയാട്ടുക മാത്രം ചെയ്തു……

‘””” അവൻ കൊറേ കാര്യങ്ങൾ ചോദിക്കുന്നത് പോലെ കണ്ടല്ലോ….. നീ വല്ലതും പറഞ്ഞോടി പോലയാടി മോളെ…….'”””

മുരുകൻ ചോദിച്ചു…….

‘”””” ഇല്ല…… ഞാൻ ഒന്നും പറഞ്ഞിട്ടില്ല…..'””

ചിന്നു പറഞ്ഞു…….

‘””” അങ്ങനെ ആണേൽ നിനക്ക് കൊള്ളാം……
ഇന്ന് അണ്ണന്റെ അടുത്ത് എത്തിയിട്ട് അങ്ങേരുടെ കയ്യിന്ന് വേറെ വാങ്ങി തരാ…… നീ ഒക്കെ കൊണ്ടാലേ പഠിക്കു….””””

അയാൾ പറഞ്ഞു……

‘””” അയ്യോ….. അങ്ങനെ ചെയ്യല്ലേ……
അവരെന്റെ കാല് തല്ലി ഓടിക്കും……'”””

ചിന്നു കരഞ്ഞുകൊണ്ട് പറഞ്ഞു……

‘””” ഒടിയട്ടെടി…….. നീ ഒന്നും ചത്താലും ഒരു പട്ടിയും തിരിഞ്ഞു നോക്കില്ല….. പിന്നെ കാല് പോയാ കുറച്ചു വരുമാനം കൂട്ടി കിട്ടും….'””

മുരുകൻ ആ കുരുന്നിന്റെ മുഖം നോക്കി ദയ ഇല്ലാതെ പറഞ്ഞു………
അവൾക്ക് മറുപടി ഒന്നും തന്നെ ഇല്ലായിരുന്നു…. എത്ര കരഞ്ഞു കാല് പിടിച്ചാലും അയാൾ ഇത് പറഞ്ഞുകൊടുക്കും എന്ന കാര്യം തീർച്ചയാണ്….

‘”” നിന്ന് മോങ്ങാതെ പോയി തെണ്ടി പത്ത് കാശ് ഉണ്ടാക്കടി……'”””

മുരുകൻ അവളെ നോക്കി ഉറക്കെ പറഞ്ഞു….
അവൾ പേടിച്ചു വിറച്ചുകൊണ്ട് അവിടുന്നു നടന്നകന്നു….. അവൾ പോയതിനു ശേഷമാണ്  ഇടവഴിയിൽ മറഞ്ഞു നിന്ന് ഒരാൾ ഇവരെ വീക്ഷിക്കുന്നത് മുരുകന്റെ ശ്രദ്ധയിൽ പെട്ടത്…….
കെട്ടിട പണിക്ക് കൊണ്ടുവന്നിട്ട ഒരു കൂട്ടം സിമന്റ്‌ കല്ലുകളുടെ പിൻ ഭാഗത്തായാണ് ഒരാൾ നിൽക്കുന്നത് പോലെ മുരുകന് തോന്നി…..

അവൻ രണ്ടും കൽപ്പിച്ച് അവിടേക്ക് നടന്നു….

എന്നാൽ ആ സിമന്റ് കല്ലുകളുടെ പുറകിൽ പോയി നോക്കിയപ്പോൾ അവിടെ ആരെയും കാണാൻ സാധിച്ചില്ല അവന്….. മുരുകനാകെ  എന്തോ പോലെ തോന്നി…. കാരണം അവിടെ ഒരാൾ മറഞ്ഞു നിൽക്കുന്നത് അവൻ നേരെ കണ്ടതാണ്….

പക്ഷെ ഇപ്പോൾ ആരെയും കാണുന്നില്ല….. ഇവിടുന്ന് മാറാൻ വേറെ വഴികളും ഇല്ല…..
അപ്പോൾ അവിടെ നിന്നവൻ എവിടേക്ക് പോയി എന്നതിൽ മുരുകനൊരു ഉത്തരം കിട്ടിയില്ല…..

പെട്ടെന്ന് ആകാശത്തുനിന്നും അതി ഭയാനകമായ ഒരു മിന്നൽ ശബ്ദം ഉയർന്നു…..
അപ്രതീക്ഷിതമായി ആ ശബ്ദം കേട്ടപ്പോൾ മുരുകനാകെ ഭയന്നിരുന്നു…..

പ്രകൃതിയുടെ മാറ്റം വളരെ വേഗത്തിൽ സംഭവിക്കുകയായിരുന്നു…..
പൂർണ്ണ പ്രഭയോടെ ജ്വലിച്ചു നിന്ന സൂര്യ കിരണം എവിടെയോ മറഞ്ഞുപോയി….

ക്ഷണിക്കാതെ എത്തിയ അതിഥികളെ പോലെ ഒരു കൂട്ടം കാർമേഘങ്ങൾ അന്തരീക്ഷത്തെ മുഴുവൻ ഇരുട്ടിലാഴ്ത്തി….

ഈ മാറ്റങ്ങളിൽ അവന് അത്ര വലിയ അസാധാരണത തോന്നിയിരുന്നില്ല…..

തിരിഞ്ഞു നടക്കാൻ വേണ്ടി തുടങ്ങിയ മുരുകന്റെ മുന്നിൽ പെട്ടെന്ന് ഒരു ചെകുത്താനെ പോലെ രുദ്രൻ പ്രത്യക്ഷപ്പെട്ടു……