⚔️ദേവാസുരൻ⚒️s2 ep9[DeMon☠️kiNg] 3632

?49?

ടേബിളിന്റെ മുകളിൽ ഒരു പാത്രത്തിൽ വച്ചിരിക്കുന്ന ഒരു കൂട്ടം സ്റ്റീൽ സ്പൂണുകളിൽ നിന്നും ഒന്നെടുത്ത് അവൾ നോക്കുന്ന ദിശയെ കാണുന്ന വിധം അവൻ വച്ചു നോക്കി…..

അതിലൂടെ രുദ്രൻ കണ്ടു….. അവളെ പേടിപ്പെടുത്തും വിധം നോക്കുന്ന മുരുകന്റെ രൂപം….. അവനുള്ളിൽ നിറഞ്ഞിരുന്ന സംശയങ്ങൾ ആളി കാത്തുകയായിരുന്നു…..

രുദ്രൻ അവളെ ഒരിക്കൽ കൂടെ നോക്കി…. ആ മുഖത്ത് ഭയമുണ്ട്…. പക്ഷെ അതൊരു മുഖമൂടി വച്ച് മറയ്ക്കുവാനാണ് അവൾ ശ്രമിക്കുന്നത്…..

“””” ഞാനില്ല ഏട്ടാ……. എനിക്ക് പഠിക്കണ്ട……'”””

അവൾ എങ്ങനെ ഒക്കെയോ പറഞ്ഞൊപ്പിച്ചു……

‘””” അതെന്താ ചിന്നൂസേ……താല്പര്യം ഇല്ലാണ്ട് ആണോ….. “””

രുദ്രൻ അവളുടെ മുഖത്തേക്ക് നോക്കി ചോദിച്ചു….

‘””” ഹ്മ്മ്…….'””

അവൾ തല താഴ്ത്തി വിഷമത്തോടെ മൂളി….

‘””” എന്നാ പോട്ടെ….. ഏട്ടൻ മോളെ പഠിപ്പിക്കുന്നില്ല…..'”””

രുദ്രൻ പറഞ്ഞു….. അവൻ പറഞ്ഞത് കേട്ടപ്പോ വീണ്ടും അവളുടെ മുഖം വാടുന്നത് രുദ്രൻ  ശ്രദ്ധിച്ചു….

എല്ലാവരെയും പോലെ പഠിക്കുവാനും സ്കൂളിൽ പോകുവാനും ആ കുരുന്നിനും ആഗ്രഹം ഉണ്ട്…..
പക്ഷെ അവൾക്ക് പുറകെ ഉള്ള ചെകുത്താന്മാർ അതിനൊന്നും അനുവദിക്കില്ല എന്നും അവൾക്ക് അറിയാമായിരുന്നു……

‘”””” ഞാൻ പൊക്കോട്ടെ ഏട്ടാ…..'”””

അവൾ ചോദിച്ചു…..

‘””” ചിന്നുമ്മ പോവാണോ…..?'””

‘””” ഹ്മ്മ്……'”””

‘””” എന്നാലേ…. ഏട്ടൻ ഒരു മാജിക്‌ കാണിച്ചു തരട്ടെ……എന്നിട്ട് പോയ പോരെ……'””

‘””” മാജിക്കോ….. അതെന്താ ഏട്ടാ……'””

അവൾ നിഷ്‌ക്കളങ്കമായി ചോദിച്ചു….

‘””” അതോ……
അതൊരു സൂത്രമാണ്….
ഏട്ടന്റെ കണ്ണിലേക്ക് തന്നെ നോക്കി ഇരുന്നാൽ അതെന്താണെന്ന് ചിന്നു കുട്ടിക്ക് മനസ്സിലാവും……'””

രുദ്രൻ ഒരു ചെറു ചിരിയോടെ പറഞ്ഞു….. അതൊക്കെ കേൾക്കുമ്പോൾ അവളുടെ മുഖത്ത് അടങ്ങാത്ത ആകാംഷ ആയിരുന്നു…… ആദ്യമായി കേൾക്കുന്ന ഒരു കാര്യം എന്തെന്ന് അറിയുവാനുള്ള ആകാംഷ….

അവൾ അവന്റെ കണ്ണിലേക്കു തന്നെ നോക്കി ഇരുന്നു….

ഒരു കണ്ണ് മാത്രം കാണുന്നത് കൊണ്ട് അത്ര നന്നായി അവന്റെ കണ്ണുകളെ നോക്കുവാൻ അവൾക്ക് സാധിച്ചിരുന്നില്ല…. എന്നാലും അവന്റെ ആ കരിനീല കണ്ണുകൾ സ്വർണ്ണ നിറമാവുന്ന അത്ഭുത മായ കാഴ്ച അവൾ ഒരു നിമിഷം കണ്ടു….

പക്ഷെ അതിനുമുന്നേ തന്നെ ചിന്നു രുദ്രന്റെ മായിക വലയത്തിൽ അകപ്പെട്ടിരുന്നു…..
അവളുടെ കൃഷ്ണമണികൾ ചുവന്ന നിറമായി മാറി….. ഒരു തരം കണ്ണാടി പോലെ…..

ആ കണ്ണാടിയിലൂടെ രുദ്രൻ കണ്ടത് അവളുടെ ജീവിതത്തെ തന്നെ ആയിരുന്നു…..

ഒരു തെരുവിൽ ജനിച്ചു വളർന്ന ചിന്നുവിന്റെ കുഞ്ഞ് രൂപമാണ് രുദ്രൻ ആദ്യം കണ്ടത്….
അവളെ ലാളിക്കുന്ന ഒരമ്മ…..

ആ അമ്മക്ക് അവളുടെ അതെ ചായയാണ്…..

അവളും അവർക്കൊപ്പം നല്ല സന്തോഷത്തിൽ കളിച്ചു ചിരിച്ചാണ് വളർന്നത്….

അമ്മയും മോളും അടങ്ങുന്ന ആ കുടുംബത്തിലെ ചെറു ദാരിദ്ര്യത്തിലും ചിന്നു സന്തോഷവതി ആയിരുന്നു…..ഒപ്പം അവളുടെ അമ്മയും…..

ഒരു നാൾ ഒരു അമിത വേഗതയിൽ വന്ന ഒരു വണ്ടി ഇടിച്ച് അവളുടെ അമ്മ മരിക്കുന്നു…. പിന്നീട് അവളെ ഏറ്റെടുക്കുവാൻ ആരും തന്നെ ഇല്ലാതായി…..

അന്ന് മുതലാണ് അവൾ വിശപ്പിന്റെ വില അറിയാൻ തുടങ്ങിയത്…..
കത്തുന്ന വയറുമായി റോഡിലേക്ക് ഇറങ്ങിയ ആ 3 വയസ്സുകാരിയെ ഒരു വാനിൽ വന്ന രണ്ടുപേർ പിടിച്ചു വണ്ടിയിൽ കേറ്റി…..

അവൾ അലറിയ ശബ്ദവും കരഞ്ഞ കണ്ണുനീരും ആരും കണ്ടില്ല…..

ഏറെ ദൂരേക്ക്  ആ വാൻ യാത്ര തുടർന്നു…..
അവസാനം എത്തിപ്പെട്ട സ്ഥലം കണ്ടപ്പോൾ അതെവിടെ ആണെന്ന് രുദ്രന് മനസ്സിലായി…..