⚔️ദേവാസുരൻ⚒️s2 ep9[DeMon☠️kiNg] 3632

?44?

രുദ്രൻ ആ ചെറു ബാലികയുടെ കയ്യും പിടിച്ച് പോയത് അമ്പലം കഴിഞ്ഞു പുറത്ത് സ്ഥിതി ചെയ്യുന്ന ഒരു ചെറു ബ്രാഹ്മിൻസ് ഹോട്ടലിലേക്ക് ആയിരുന്നു….

അവൻ അവളെ ഒരു ടേബിളിൽ ഇരുത്തി വെയ്റ്ററേ വിളിച്ചു…..

അവന്റെ വിളി കേട്ട് അങ്ങോട്ട് വന്നത് ഒരു വയസായ ആൾ ആയിരുന്നു…… അയാൾ അവിടെ എത്തിയതും രുദ്രന്റെ ഒപ്പം ടേബിളിൽ ഇരിക്കുന്ന ആ കുരുന്നിനെ ഒന്ന് നോക്കി…..

അവളുടെ രൂപവും വേഷവും അയാളിൽ ഒരു തരം അറപ്പ് തോന്നിപ്പിച്ചിരുന്നു….

‘””” എന്താ മോനെ വേണ്ടത്…..'”””

അടുത്തിരിക്കുന്ന രുദ്രനെ നോക്കി വലിയ സുഖമില്ലാത്തത് പോലെ അയാൾ ചോദിച്ചു…..

‘””” ചേട്ടാ……
മസാല ദോശ ഉണ്ടോ…..'””

രുദ്രൻ ചോദിച്ചു……

‘”” ആഹ് ഉണ്ട്…….'”””

അയാൾ പറഞ്ഞു……

‘””” എന്നാ ഒരു പ്ലേറ്റ് എടുത്തേക്ക്…..'”””

രുദ്രൻ പറഞ്ഞു……

‘”” അല്ല മോനെ….. ഈ കുട്ടി…….'”””

അയാൾ അവളെ ചൂണ്ടികൊണ്ട് ചോദിച്ചു…..

‘””” ഈ കുട്ടിക്ക് തന്നാ ഓർഡർ ചെയ്തത്…..
ഞാൻ കഴിക്കുന്നില്ല……'””

രുദ്രൻ ഒരു ചെറു ചിരിയോടെ പറഞ്ഞു…..

“””” അതല്ല മോനെ……
ഇവരെ പോലെ ഉള്ളവർക്ക് ഇങ്ങനെ ഒരു സ്ഥലത്ത് വച്ച് ഭക്ഷണം കൊടുക്കുക എന്ന് വച്ചാൽ……..'”””

അയാൾ അല്പം അസൗകര്യത്തോടെ പറഞ്ഞു……
ആ വാക്കുകൾ കേട്ടപ്പോൾ തന്നെ കുറച്ചു മുന്നേ രുദ്രന്റെ മുഖത്ത് ഉണ്ടായിരുന്നു ചിരി മാഞ്ഞു….. അവനാ കുട്ടിയെ നോക്കി….

കുരുന്ന് ബുദ്ധി ആണെങ്കിൽ പോലും അയാൾ പറഞ്ഞതിന്റെ അർത്ഥവും കാരണവും അവൾക്ക് മനസ്സിലായിരുന്നു…..
അതിനൊരു തെളിവ് തന്നെയാണ് ആ കണ്ണുകളിൽ നിന്നും പുറത്തേക്ക് വന്ന കണ്ണുനീർ…..

രുദ്രൻ പതിയെ അവളുടെ തോളിൽ കയ്യിട്ട് അവനോട് ചേർത്ത് പിടിച്ചു…. അവൾ അവനെ ഒന്ന് നോക്കി…..

അവനതിന് മറുപടിയായി ഒന്ന് കണ്ണടച്ച് കാണിക്കുക മാത്രം ചെയ്തു…..

‘””” ചേട്ടാ…… അത്യാവശ്യം നല്ല തിരക്ക് ഉണ്ടല്ലോ….
കച്ചോടം ഒക്കെ നന്നായി പോകുന്നുണ്ടല്ലേ…..'”””

രുദ്രൻ അയാളെ നോക്കി സൗമ്യമായി ചോദിച്ചു…..

‘””” ഭഗവാന്റെ കടാക്ഷം കൊണ്ട് നന്നായി പോണു മോനെ……'””””

അയാൾ പറഞ്ഞു…..