⚔️ദേവാസുരൻ⚒️s2 ep9[DeMon☠️kiNg] 3632

?11?

‘””” ഏട്ടാ….. ഒരു അഞ്ചു മിനിറ്റ് കൂടെ…
ദേ ഇപ്പോ കഴിയും ട്ടോ….'”””

ഇന്ദു മുല്ലപ്പൂ ചൂടുന്നതിന്റെ ഇടയിൽ അവനോട് പറഞ്ഞു…..
രുദ്രൻ അതിന് മറുപടി ഒന്നും തന്നെ കൊടുത്തില്ല….

‘””” ഡീ ഇന്ദു……'””

‘””” എന്താ ചേച്ചി…..'””

‘”” ആരോ നമ്മളോട് ബസ് പിടിച്ചു വന്നോളാൻ പറഞ്ഞില്ലേ…. ‘””

പാറു രുദ്രനെ നോക്കി ഒരു ആക്കിയ ചിരിയോടെ ഇന്ദുവിനോട് പറഞ്ഞു… അവൾക്കും അത് കേട്ടപ്പോ അല്പം ചിരി വന്നിരുന്നു… എന്നാലും അവൾ അത് അവനിൽ നിന്നും മറച്ച് പിടിച്ചു…..

‘””” ഹാ ചേച്ചി…… ഞാൻ കേട്ടിരുന്നു …..'””

ഇന്ദു പറഞ്ഞു…..

‘”” ആഹ്…. എന്നിട്ട് ആ കോന്തൻ കതക് തുറന്നപ്പോ ഇവടെ വായും പൊളിച്ചു നിൽപ്പുണ്ടായിരുന്നടീ…… മനുഷ്യനായ കുറച്ചു ഉളുപ്പ് വേണ്ടേ……..'””

പാറു രുദ്രനെ ഒന്ന് ഇടം കണ്ണിട്ട് നോക്കികൊണ്ട് ആക്കിയ പോലെ മൊഴിഞ്ഞു….. അത് കേട്ടപ്പോൾ തന്നെ ഇന്ദു അറിയാതെ പൊട്ടിച്ചിരിച്ചുപോയി…. അവനുമുന്നിൽ ഈ കോപ്രായങ്ങൾ എല്ലാം കാണിക്കുമ്പോൾ അവർ അറിഞ്ഞിരുന്നില്ല… തങ്ങളുടെ മുന്നിൽ നിൽക്കുന്നത് രുദ്രൻ ആണെന്ന സത്യം ….

‘”” നീ എന്താടാ ഇങ്ങനെ പൊട്ടനെ പോലെ മിണ്ടാതെ ഇരിക്കുന്നെ…. എന്ത് കോലമാ ഇത്… അമ്പലത്തിലേക്ക് തന്നെ അല്ലെ നീ വരുന്നത്….'”””

പാറു അതെല്ലാം പറഞ്ഞുകൊണ്ട് രുദ്രന്റെ ചുളുങ്ങിയ കോളറും അലസമായി മടക്കി വച്ചിരിക്കുന്ന ഷർട്ടിന്റെ കയ്യും എല്ലാം നേരെ ആക്കി….

രുദ്രൻ ഇതിനോട് ഒന്നും തന്നെ പ്രതികരിച്ചില്ല… എന്തോ ഒന്ന് അവനെ തടയുകയായുയരുന്നു….

പാറുവിന്റെ ആ കുസൃതികളും ശകാരങ്ങളും എല്ലാം അവൻ അറിയാതെ ഇഷ്ടപ്പെടുകയായിരുന്നു….

ചേച്ചിയുടെ വാല് താങ്ങി അനിയത്തി ഇന്ദുവും അവൾക്കൊപ്പം രുദ്രനെ കളിയാക്കുന്നുണ്ട്…. പക്ഷെ അവൻ ശ്രദ്ധിച്ചത് പാറുവിനെ മാത്രമായിരുന്നു….

ഈ സമയമാണ് മറന്നു വച്ച വാച്ചും കയ്യിൽ കെട്ടി ഇന്ദ്രൻ അവിടേക്ക് വന്നത്…. അവൻ വന്ന് രുദ്രന്റെ തോളിൽ കയ്യിട്ടുകൊണ്ട് പറഞ്ഞു…..

‘””””  രുദ്രാ……… പോവാടാ…….'””

ഇന്ദ്രന്റെ ആ ഒരു വിളി കേട്ടപ്പോൾ തന്നെ പാറുവിന്റെയും ഇന്ദുവിന്റെയും മുഖത്തെ ചിരി മാഞ്ഞു…. ഒരു വല്ലാത്ത ഷോക്ക് തന്നെ ആയിരുന്നു അവർ ആ സമയം അനുഭവിച്ചത്….