ഹൃദയരാഗം 29 [Achu Siva] 1155

ഉറക്കത്തിൽ നിന്നു ഞെട്ടിയുണർന്ന് ഒരു പകപ്പോടെ അവള്‍ ചുറ്റും നോക്കി….

അവളുടെ മനസ്സ് പതിയെ ഇന്നലെ രാത്രിയിലെ ഓർമ്മകളിലേക്ക് വീണു തുടങ്ങി…. ആ ചിന്തകളിൽ അവളുടെ മുഖം വീണ്ടും കലുഷിതമായി….

കണ്ണുകള്‍ കൊണ്ട് ചുറ്റും പരതുമ്പോൾ ഡോറിന് അടുത്തുള്ള ടേബിളിൽ അവൾക്ക് കുടിക്കാനായുള്ള ചായ അടച്ചു വെച്ചിരിക്കുന്നത് അവൾ കണ്ടു….

അവള്‍ അവജ്ഞയോടെ അതിലേക്ക് നോക്കി….

ഞാൻ ഒന്നും അറിഞ്ഞിട്ടില്ലെന്നു ഉറപ്പിക്കാൻ സംസാരമെല്ലാം കഴിഞ്ഞു രാത്രി വന്നു നോക്കിയിരിക്കുന്നു…. പെരുംകള്ളൻ…. പോരാത്തതിന് അയാളുടെ ഒരു ചായയും സല്‍ക്കാരവും…. അഭിനയത്തിൽ ഇയാൾ കഴിഞ്ഞേ ഉള്ളു ആരും….

അവള്‍ ദേഷ്യത്തോടെ മുഖം വെട്ടിച്ചു….

വാസുകി പതിയെ അവിടെ നിന്നും എഴുന്നേറ്റു…. ടേബിളിൽ വെച്ചിരുന്ന ചായ കപ്പ്‌ കൈയിൽ എടുത്തു….

എന്നിട്ട് ഒന്ന് ആലോചിച്ച ശേഷം അവള്‍ അതുമായി ബാത്റൂമിലേക്കു നടന്നു…. കൈയിലിരിക്കുന്ന ആ കപ്പിലേക്ക് നോക്കി പുച്ഛിച്ചിട്ട് അവൾ ആ ചായ വാഷ് ബേസിനിലേക് ഒഴുക്കി കളഞ്ഞു….

അവൾ ബാത്റൂമിലെ കണ്ണാടിയിൽ കുറച്ചു നേരം നോക്കി അങ്ങനെ നിന്നു….

അവള്‍ക്കു സ്വയമേ വല്ലാതെ വെറുപ്പ് തോന്നുന്നുണ്ടായിരുന്നു….

മുടി കെട്ടി വെക്കാനോ, എന്തിന് ഒന്ന് ഒതുക്കാനോ പോലും തോന്നുന്നില്ലായിരുന്നു….

ശരിക്കും ഉറങ്ങാത്തത്തിന്റെയും, കരഞ്ഞതിന്റെയും ക്ഷീണം ഒക്കെക്കൂടെ ആയി വാസുകിയുടെ മുഖം ആകെ വല്ലാതായിട്ടുണ്ടായിരുന്നു….

അല്പസമയത്തിനു ശേഷം മുഖം ഒക്കെ കഴുകി, ഫ്രഷ് ആയ ശേഷം അവള്‍ പുറത്തേക്ക് വന്നു….

ശരീരത്തിലെ വേദനകളോ ബുദ്ധിമുട്ടുകളോ ഒന്നും തന്നെ അവൾ ഇന്നലെ രാത്രി മുതൽ കണക്കിലെടുക്കുന്നതേ ഇല്ലായിരുന്നു….

കാരണം, മനസ്സിനേറ്റ വേദന അതിലേറെ വലുതായിരുന്നു…. മനസ്സില്‍ ഉറച്ച തീരുമാനങ്ങുളുമായി അവള്‍ ഡോറിന് നേരെ അടി വെച്ച് നടന്നു….