ശ്രാവണി 3 [Shana] 185

അർജുൻ കുറച്ചുനേരം അവിടെ നിന്നു പിന്നെ ചുറ്റിലും ഒന്ന് നോക്കി തിരിച്ചു വീട്ടിലേക്ക് നടന്നു. ശ്രാവണി ദേവമ്മയുടെ വീട്ടിൽ കയറിപ്പോകുന്നത് കണ്ടിട്ടാണ് അവിടെ നോക്കി നിന്നത്. അവരെപ്പറ്റി ഒത്തിരി ദുരൂഹതകൾ നിറഞ്ഞ കാര്യങ്ങൾ കേൾക്കാറുണ്ട് അതിന്റെ പിറകിലാണ് ഓരോ ദിവസവുമിപ്പോൾ. അതെന്താണെന്ന് കണ്ടുപിടിക്കേണ്ടത് തന്റെ വാശി ആണ് കുറേ ആയി ഇതിന്റെ പിറകെ ഒന്നുപോലും തെളിഞ്ഞുവരുന്നില്ല

രണ്ടുദിവസം മുൻപ് വന്ന  ഇവൾക്കും ദേവയാമിക്കും  തമ്മിലെന്താബന്ധം അവരുടെ രഹസ്യങ്ങൾ നിഗൂഢമാണ് ഒന്നുപോലും തെളിഞ്ഞു മുന്നിൽ വരാത്തതെന്താണ്. എന്തായാലും കുറച്ചുകൂടി ജാഗരൂഗനാകണം

അവൻ മനസ്സിലെന്തൊക്കയോ ഉറപ്പിച്ചു വീട്ടിലേക്ക് നടന്നു, അവൻ നടന്നകലുന്നതും നോക്കി കൂവളമരത്തിനു പിന്നിൽ ദേവമ്മ നിൽക്കുന്നുണ്ടായിരുന്നു.

അവരുടെ ഉള്ളിലും ചോദ്യങ്ങൾ ഉയർന്നുവന്നു. കരിനാഗത്തിന്റെ വിഷമേറ്റിട്ടും എന്തുകൊണ്ട് അവനൊന്നും  സംഭവിച്ചില്ല  അവനും ശ്രാവണിയും തമ്മിൽ അടുപ്പമുണ്ടോ, ഇവന്റെ പിന്നിലുള്ള രഹസ്യമെന്ത്… എല്ലാം കണ്ടുപിടിക്കണം അവർ മനസ്സിലുറപ്പിച്ചു

വീട്ടില്ലേക്ക് നടന്നുകയറിയ ശ്രാവണി നേരെ മുറിയിലേക്ക് പോയി അവളുടെ മനസ്സിൽ അപ്പോഴും അർജുൻ മാത്രമായിരുന്നു

“ചേച്ചി മുത്തശ്ശി താഴേക്ക് വിളിക്കുന്നു ” മുറിയിൽ നിന്ന ശ്രാവണിയെ അനു വന്നു വിളിച്ചു

ശ്രാവണി അനുവിനോപ്പം താഴേക്കിറങ്ങിച്ചെന്നു

“മോളിങ്ങോട്ട് വന്നെ മുത്തശ്ശി ഒരു കാര്യം പറയട്ടെ”

ശ്രാവണി മുത്തശ്ശിയുടെ വാക്കുകൾക്കായി കാതോർത്തു

“മോളെ ഇന്നേക്ക് ഏഴാം നാൾ കാവിൽ സർപ്പത്തുള്ളൽ വെച്ചിട്ടുണ്ട്. വല്യമ്മാവൻ കാര്യങ്ങളൊക്കെ ശെരിയാക്കിയിട്ടുണ്ട് മോൾക്ക്‌ അതൊന്നും പരിചയം ഇല്ലല്ലോ മുത്തശ്ശി പറഞ്ഞു തരാം”