ശ്രാവണി 3 [Shana] 185

“അന്നാ പിന്നെ കാണാം അര്‍ജുനേട്ടാ.” അവര്‍ അവനോട് യാത്ര പറഞ്ഞു. അവന്റെ സഹൃയത്തുക്കളെ കൈവീശികാണിച്ച ശേഷം നടന്നു.

“അങ്ങനങ്ങു പോയാലോ പിള്ളേരേ, ഈ ചേട്ടന്മാരും നില്‍ക്കുന്നത് കണ്ടില്ലേ. നമ്മളോടും കൂടെ ഒന്നു ചിരിച്ചു കാണിക്കെന്നേ.” അവിടേക്കു വന്ന ഒരുത്തന്‍ അവരുടെ മുന്നില്‍ കയറിനിന്നുകൊണ്ട് ചോദിച്ചു.

പരിചയം ഇല്ലാത്ത ആളെ കണ്ടതും അനു ധനുവിന്റെ കൈകള്‍ കൂടിപ്പിടിച്ചു.

പെട്ടന്ന് അര്‍ജുന്‍ അവന്റെ നെഞ്ചില്‍ തള്ളികൊണ്ടു അവര്‍ക്കുമുന്നില്‍ കയറി നിന്നു.

“ഏതാടാ നാറീ നീ. ” അവന്‍ ദേഷ്യം കൊണ്ടു വിറയ്ക്കുകയായിരുന്നു. അര്‍ജുന്റെ സുഹൃത്തുക്കളും സംഭവം കണ്ട് അവിടേക്കു വന്നു.

“എന്താടാ എന്താ പ്രശ്‌നം. ”

അര്‍ജുന്‍ അനുവിനെയും ധനുവിനെയും നോക്കി. രണ്ടും പേടികൊണ്ടു വിറയ്ക്കുകയാണ്.
നിങ്ങള്‍ പൊയ്‌ക്കോ ഇവരൊന്നും ഒന്നും ചെയ്യില്ല. അവന്‍ അയാളെ തുറിച്ചു നോക്കികൊണ്ട് അവരെ സമാധാനിപ്പിച്ചു.

“അത് നീ ആണോ തീരുമാനിക്കുന്നത്……”
അത് പറഞ്ഞുകൊണ്ട് അയാള്‍ അനുവിന്റെ കൈയില്‍ കേറി പടിച്ചതും അര്‍ജുന്‍ അവന്റെ കരണം നോക്കി അടിച്ചതും ഒരുമിച്ചായിരുന്നു… അടികൊണ്ടവന്‍ ഒന്നു വേച്ചുപോയി.

“ടാ……”

അവന്‍ അര്‍ജുനെ അടിക്കാനായി ചീറി അടിത്തു. അര്‍ജുന്‍ അവനെ ചവിട്ടി വീഴ്ത്തിയതും അവിടെ ഉണ്ടായിരുന്ന ഇന്നോവയില്‍ നിന്നു ആറുപേര്‍ ചാടി ഇറങ്ങി.

“അടിച്ചു കൊല്ലടാ ഇവനെ നിലത്തു കിടന്നവന്‍ അവരോട് അലറി.”

അപ്പോഴേയക്കും രതീഷും കൂട്ടുകാരും അവിടേക്ക് ഓടിയെത്തി. പിന്നെ അവിടെ നടന്നത് പൊരിഞ്ഞ അടിയായിരുന്നു. അര്‍ജുന്‍ നിലത്തു കിടന്നവന്റെ നെഞ്ചില്‍ ആഞ്ഞു ചവിട്ടി.