ശ്രാവണി 3 [Shana] 185

 

ഒന്നിനുമല്ല വെറുതെ… എന്ത് സുഗന്ധം ആണ് ഇതിനു…

 

ദേവമ്മ ഇത് കൊണ്ട് മോൾക്ക്‌ തലയിൽ ചൂടാൻ മാല ഉണ്ടാക്കി തരട്ടെ…

 

ഇത് തലയിൽ ചൂടുമോ ദേവമ്മ…

 

പിന്നെ എനിക്ക് എന്തിഷ്ടമാണെന്നോ ഇത്… കൊഴിഞ്ഞു വീണ പൂക്കൾ ശ്രാവണിക്കൊപ്പം നിന്നു പെറുക്കിയെടുത്തു…

 

ഇത്രയും മതി.. വീട്ടിലേക്ക് വരൂ.. ദേവമ്മ വാഴനാരിൽ കോർത്തു തരാം….”

 

അന്ന് പോയതിൽ  പിന്നെ മോളെ കണ്ടില്ലല്ലോ അവർ വിഷമത്തോടെ പറഞ്ഞു

 

അത്…..  ഒറ്റക്ക് നടക്കുന്നത് കണ്ടാൽ വല്യമ്മാവൻ  വഴക്കുപറയും അതാ എങ്ങോട്ടും പോകാത്തത്

 

ആണോ, എന്നാലും മോൾ സമയം കിട്ടുമ്പോൾ  ഇടക്ക് ദേവമ്മയെ കാണാൻ വരണം, ദേവമ്മക്ക്  അച്ഛനല്ലാതെ വേറെ ആരുമില്ല, ശ്രാവണി എനിക്കെന്റെ സ്വന്തം മോളെപ്പോലെ ആണ്  വരില്ലേ ദേവമ്മേ കാണാൻ  അവർ അവളെ ചേർത്തുപിടിച്ചുകൊണ്ട് ചോദിച്ചു

 

വരാം ദേവമ്മേ അവൾ പുഞ്ചിരിയോടെ മറുപടി പറഞ്ഞു…

 

ദേവമ്മ സംസാരിച്ചു കൊണ്ട് പതുക്കെ തിരിഞ്ഞ് വീട്ടിലേക്കു നടന്നു… യാന്ത്രികമായി തന്നെ ശ്രാവണി അവരെ പിന്തുടർന്നു…

 

എന്ത് ചന്തമാണ് ദേവമ്മയെ കാണാൻ.. ഇപ്പോഴും.. എന്നിട്ടെന്താവോ ദേവമ്മ വിവാഹം കഴിക്കാതെ നിന്നത്.. മനസ്സിൽ ഒരുപാട് ചോദ്യങ്ങൾ ചോദിക്കണമെന്നുണ്ടായിരുന്നു…

 

വീടിനു ഉമ്മറത്തെത്തിയപ്പോൾ കൂവളത്തറയിലെ നാഗ പ്രതിഷ്ടയെ വണങ്ങി കൊണ്ട് ദേവമ്മ പൂമുഖത്തേക്ക് കയറി… കടന്നു വരൂ കുട്ടി…

 

മ്മ്… പടിക്കെട്ടുകൾ കയറുമ്പോൾ ഉത്തരത്തിലും കഴുക്കൊലിലും ഒടുക്കൾക്കിടയിലും അവളുടെ കണ്ണുകൾ പരതിനടന്നു… മുൻപത്തെ അനുഭവം അവൾക്കു കുറച്ചു പരിഭ്രമം ഉണ്ടായിരുന്നു…

 

പേടിക്കേണ്ട കുട്ടി ഇവിടെ ഒന്നുമില്ല…അകത്തേക്ക് വരൂ   ദേവമ്മ ഒരു കൂട്ടം കാണിച്ചുതരാം  അവർ അവളെ ക്ഷണിച്ചു…