ശ്രാവണി 3 [Shana] 185

അവന്‍ താക്കീതുപോലെ വല്ല്യമ്മാവനോടു പറഞ്ഞു. അയാള്‍ സ്തബ്ദനായി തലകുനിച്ചു. കാളി എല്ലാവരെയും ഒന്നു നോക്കിയിട്ടു വണ്ടിയിലേക്കു കേറി..

ശ്രാവണി കട്ടിളപ്പടിയില്‍ നിന്നു അമ്പരപ്പോടെയാണ് ആ കാഴ്ച കണ്ടത്. ആരെയും ഭയക്കാത്ത വല്യമ്മാവന്‍ ഒരു ചെറുപ്പക്കാരനു മുന്നില്‍ തല കുനിച്ചു നില്‍ക്കുന്നു. മഴ നനഞ്ഞുകുതിര്‍ന്ന അവന്റെ രൂപം ഓര്‍ക്കുമ്പോള്‍ അവളുടെ നെഞ്ചു പിടയ്ക്കാന്‍ തുടങ്ങി. വണ്ടിക്കുള്ളിലിരുന്ന് അവളെ തന്നെ നോക്കിയ അര്‍ജുനെ ശ്രാവണി
കണ്ടിരുന്നില്ല. അവളുടെ ചിന്തകള്‍ അവനെ ചുറ്റിപ്പറ്റിയായിരുന്നു.

ആറടിയിലേറെഉയരം ഒത്ത ശരീരം.. പൗരുഷം നിറഞ്ഞ മുഖം പൂർണ്ണ ചന്ദ്രന്റെ ശോഭയോടെ വെട്ടി തിളങ്ങുന്നു… നീട്ടി വളർത്തിയ മുടി കറുത്ത ഹെയർബാൻഡ് കൊണ്ട് കെട്ടിവച്ചിട്ടുണ്ട്..

കൈതണ്ടയിൽ പഞ്ചലോഹത്തിൽ തീർത്ത വള കഴുത്തിൽ സ്വർണ്ണം കെട്ടിച്ച വലിയ രുദ്രാക്ഷമാല… കൃഷ്ണമണിക്ക് തിളക്കമാർന്ന ചാരനിറം കണ്ടാൽ മുപ്പതു വയസ്സ് തോന്നിക്കുമെങ്കിലും അതിലും കുറവാണെന്ന് ആളുടെ ശരീരഭാഷയിൽ നിന്നും മനസിലാക്കാം…
ആദ്യ നോട്ടത്തിൽ തന്നെ ശ്രാവണിയുടെ നെഞ്ച് തുടിച്ചു…

അവൾ സ്വയം ചോദിച്ചു ആരാണവന്‍…?

(തുടരും )