ശ്രാവണി 3 [Shana] 185

“നിനക്കൊക്കെ പെണ്ണുങ്ങളെ കൈയില്‍ കേറി പിടിക്കണം അല്ലേടാ……” അവന്‍ ദേഷ്യം കൊണ്ടു വിറയ്ക്കുകയായിരുന്നു.

“പിടിച്ചാ നീ എന്തു ചെയ്യുമെടാ പുല്ലേ.”

നിലത്ത് കിടന്നവന്‍ ചോര തുപ്പികളഞ്ഞുകൊണ്ട് അവനെ വെല്ലുവിളിച്ചു. അതു കേട്ടു ഭ്രാന്തെടുത്തപോലെ അര്‍ജുന്‍ അവനെ തല്ലാന്‍ തുടങ്ങി. പക്ഷേ, പിന്നില്‍ നിന്നു വന്ന ആപത്ത് അവന്‍ കണ്ടില്ല. അക്രമികളില്‍ ഒരുവന്‍ അര്‍ജുന്റെ പിന്നിലേക്കു നടന്നടുക്കുകയായിരുന്നു. കൈയിലെ വാള്‍ അർജുന്റെ കഴുത്തു ലക്ഷ്യമാക്കി പിടിച്ചു മുന്നോട്ടു വന്നു..ആലിനു പുറകിൽ നിന്നും അയാൾ വാൾ വീശികൊണ്ട് എടുത്തു ചാടി..
അര്‍ജുനെ വെട്ടാന്‍ വാള്‍ ഉയര്‍ത്തിയതും ആ കാഴ്ച കണ്ടു ധനു അലറിവിളിച്ചു…

“ഏട്ടാ മാറ്……” അവള്‍ പേടിച്ചു കരയുകയായിരുന്നു. അവളുടെ കരച്ചില്‍ കേട്ടു പകച്ചു പോയ അവന്‍ തിരിഞ്ഞു നോക്കിയതും അയാള്‍ വാള്‍ വിശി. അനുവും ധനുവും ആ കാഴ്ച കാണാന്‍ ധൈര്യമില്ലാതെ കണ്ണടച്ചു പിടിച്ചു. വെട്ടേല്‍ക്കാതെ അര്‍ജുന്‍ ഒഴിഞ്ഞു മാറിയെങ്കിലും അയാള്‍ വീണ്ടും അവനു നെരെ വാള്‍ വീശി.

പൊടുന്നനെ അവടെയ്ക്കു കണ്ണടപ്പിക്കും പോലെ പ്രകാശംമടിച്ചു. ദൂരെ നിന്നും ഒരു മുള്‍ച്ചയോടെ തന്റെ നേര്‍ക്കു പാഞ്ഞു വരുന്ന ജീപ്പ് കണ്ടു അയാള്‍ ഭയന്നു പോയി. ഒരു ഭീമാകാരനായ സത്വത്തേപ്പോലെ തന്റെ നേര്‍ക്കു പാഞ്ഞടുത്ത വണ്ടിയുടെ മുന്നില്‍ നിന്നു അവന്‍ ഒഴിഞ്ഞു മാറിയതും അതി വേഗത്തില്‍ എത്തിയ വണ്ടിയുടെ ഡോര്‍ തുറന്നുതും ഒന്നിച്ചായിരുന്നു. ഡോറുകൊണ്ടുള്ള പ്രഹരമേറ്റ് അവന്‍ അലര്‍ച്ചയോടെ നിലത്തേക്ക് തെറിച്ചു വീണു.

അവന്റെ വായില്‍ നിന്നു രക്തം ചീറ്റി തെറിച്ചു . ഒന്നു എഴുന്നേല്‍ക്കാന്‍ പോലുമാകാതെ അവന്‍ നിലത്തു കിടന്നു. വണ്ടി കണ്ട അര്‍ജുന്റെ മുഖത്ത് സന്തോഷം നിറഞ്ഞു .

കറുത്ത ഭീമാകാരനായ രാക്ഷസനെ പോലെ തോന്നിക്കുന്ന ഫോര്‍ഡ് റേഞ്ചര്‍ റാപ്ടറില്‍ നിന്നു അവന്‍