ശ്രാവണി 3 [Shana] 185

ഫോണിലൂടെയുള്ള അവന്റെ ചോദ്യം കേട്ടു കാളിയുടെ ചുണ്ടില്‍ ക്രൗര്യമായൊരു പുഞ്ചിരി തെളിഞ്ഞു.

“കാളി പോയാ നടക്കാത്തതെന്തുണ്ടെടാ. ”

“പൊക്കിയോ അവനെ. “അര്‍ജുന്റെ മുഖത്ത് ആകാംഷ നിറഞ്ഞു.

“അവന്‍ ഇനി ഒരുത്തനോടും വാക്കുവെത്യാസം കാണിക്കില്ല. അതു ഞാന്‍ അവനു മനസിലാക്കികൊടുത്തിട്ടുണ്ട്.”

“കൊന്നോടാ അവനേ.. അര്‍ജുന്‍ അമ്പരന്നുപോയിരുന്നു. “കാളിയുടെ പൊട്ടിചിരി അവന്റെ കാതില്‍ മുഴങ്ങിക്കേട്ടു.

”മൃത്യു ഭവിക്കുമതിനില്ല സംശയം
പ്രത്യുപകാരം മറക്കുന്ന പുരുഷന്‍
ചത്തതിനൊക്കുമേ ജീവിച്ചിരിക്കിലും”

“നീ എന്താടാ കവിത ഒക്കെ ചൊല്ലണതു.. നിനക്കെന്താ പറ്റിയേ.” അര്‍ജുന്‍ അവന്‍ പറഞ്ഞതു മനസിലാവാതെ ചോദിച്ചു.

“ടാ ചെറുക്കാപ്പി. രാമായണം വായിച്ചിട്ടുണ്ടോ. അതില്‍ കിഷ്‌കിന്ധാകാണ്ഡത്തില്‍ രാമനും സുഗ്രീവനും തമ്മിലുള്ള സഖ്യമനുസരിച്ച് രാമന്‍ ബാലിയെ വധിച്ച് സുഗ്രീവനെ രാജാവാക്കി. അതോടെ, സീതാന്വേഷണത്തിനു സഹായിക്കാമെന്ന വാഗ്ദാനം സുഗ്രീവന്‍ മറന്നു. രാജമന്ദിരത്തിലെ സുഖജീവിതത്തില്‍ മദിച്ചു കഴിഞ്ഞ സുഗ്രീവന്‍ രാമന്റെ ദുഃഖം ഓര്‍ത്തില്ല. വാക്കുമറന്ന സുഗ്രീവനു ഹനൂമാന്‍ നല്‍കുന്ന ഉപദേശത്തിലെ വരിയാടാ പുല്ലേ അത്. ഇവിടെ ഞാന്‍ രാമനല്ലെന്ന് മാത്രം. പറഞ്ഞ വാക്കിനു വ്യവസ്ഥ കാണിക്കാത്തന്‍ കിടക്കുന്നുണ്ട് സിറ്റി ഹോസ്പിറ്റലില്‍.. ചാകുന്നതാണ് ഇതിലും ഭേതം എന്നു പറഞ്ഞു. ”

“ഹാ.. അവന്റെ യോഗം.. “അര്‍ജുന്‍ ആത്മഗതം പോലെ പറഞ്ഞു.

“എന്തായി നിന്റെ അന്വേഷങ്ങൾ അർജുൻ.. അവിടെ ഏതോ തമിഴത്തി കൊച്ചുമായി ചുറ്റി തിരിയുന്നുണ്ടെന്നു ഞാൻ അറിഞ്ഞു..എങ്ങിനെ ഉണ്ടവൽ കാണാൻ കൊള്ളാമോ ”

“ഒന്ന് പോടാ കാളിയാ..പെണ്ണുങ്ങളുമൊത്ത് ചുറ്റി തിരിയുന്നത്തെ എന്റെ സ്വഭാവമല്ല… അത് നാല് വേളി കഴിച്ച വല്യമാവാൻ പരമു പിള്ളയാവും… വണ്ടി ഓടിക്കുമ്പോള്‍ ഫോണ്‍ വിളിക്കാതെ വച്ചിട്ട് പോയെ ….. പോലീസ് പെറ്റി അടിക്കും. “