ശ്രാവണി 3 [Shana] 185

ഇത് മോളെടുത്തോ.. ആരും അറിയില്ല..”
ശ്രാവണിയുടെ അരയിൽ  സ്വർണ്ണ നാഗത്തെപ്പോലെ അത് ചുറ്റിപിണഞ്ഞു കിടന്നു

ശ്രാവണിക്ക് പിന്നെ നിരസിക്കാൻ തോന്നിയില്ല  ദേവമ്മയിൽ നിന്നുള്ള സ്നേഹം അവളെ കീഴ്പ്പെടുത്തി

“ഞാൻ വീട്ടിലേക്ക് പോകട്ടെ ദേവമ്മേ .. അമ്മ കാത്തിരിക്കുന്നുണ്ടാവും  കുറേ സമയമായില്ലേ ” അവൾ ഇരുന്നിടത്തിന്നു എഴുന്നേറ്റുകൊണ്ട് ചോദിച്ചു

“മോൾ ഇടക്കിടക്ക് ദേവമ്മയെ കാണാൻ വരുമോ ”

“വരാം ദേവമ്മേ  ” അവരെ കെട്ടിപ്പിടിച്ചു ഉമ്മ കൊടുത്തുകൊണ്ട് അവൾ പറഞ്ഞു…

അവൾ കാഴ്ചയിൽ നിന്നും മറയുന്നത് വരെ ദേവമ്മ നോക്കി നിന്നു… കണ്ണിൽ കത്തുന്ന തീ യുടെ തിളക്കവും ചുണ്ടിൽ ചെറിയൊരു മന്ദസ്മിതവുംനിറച്ച് … ശ്രാവണി ഇറങ്ങി പോകുന്നതും നോക്കി രണ്ടുകണ്ണുകൾ വീക്ഷക്കുന്നുണ്ടായിരുന്നു

തറവാടിനോട് അടുക്കാറായപ്പോൾ  ശ്രാവണിയുടെ ഉള്ളിൽ നേരിയ ഭയം തോന്നി വല്യമ്മാവൻ വന്നിട്ടുണ്ടാകുമോ ആരെങ്കിലും അവളെ വഴക്ക് പറയുമോ എന്നൊക്കെ

“ടി  തമിഴത്തി….”

പുറകിൽ നിന്നുള്ള ശബ്ദം കേട്ടതും പെട്ടന്നവൾ ഞെട്ടിത്തിരിഞ്ഞു നോക്കി അർജുനെ കണ്ടതും അവൾക്കാശ്ചര്യമായി പെട്ടന്നത് ദേഷ്യമായി പരിണമിച്ചു

“ടോ  കള്ളാ എന്നെ എന്തിനാണ് തമിഴത്തിയെന്ന് വിളിക്കുന്നത്”

“ടി ഞാൻ കള്ളനല്ലെന്ന് പറഞ്ഞു വെറുതെ എന്നെ ദേഷ്യം പിടിപ്പിക്കരുത്”

താൻ കള്ളനായിട്ടല്ലേ ഞാൻ കള്ളനെന്നുവിളിച്ചത്

“ഞാൻ നിന്റെ എന്താടി കട്ടത് … നിനക്ക് ഞാൻ പണി തരുന്നുണ്ട്…”

“അയ്യോ.. ദേ പാമ്പ്…”
അവൾ തിരിഞ്ഞു നടക്കാൻ ഒരുങ്ങിയതും അർജുൻ പുറകിൽ നിന്നും വിളിച്ചു പറഞ്ഞു…